نۇربەك ورالباي قازاقستاننان ءتورتىنشى بولىپ الەم چەمپيونى اتاندى

استانا. قازاقپارات - تاشكەنت قالاسىندا بوكستان ەرلەر اراسىندا ءوتىپ جاتقان الەم بىرىنشىلىگىندە نۇربەك ورالباي چەمپيون اتاندى، دەپ حابارلايدى قازاقپارات ءتىلشىسى.

جاستار اراسىندا الەم چەمپيونى نۇربەك ورالباي 80 كەلىگە دەيىنگى سالماقتا فينالدا قىتايلىق قانداسىمىز توقتاربەك تاڭاتحانمەن چەمپيوندىق اتاق ءۇشىن رينگكە شىقتى.

ءبىرىنشى راۋندتا بەس تورەشىنىڭ تورتەۋى قازاقستاندىق بوكسشىنى باسىم دەپ تاپتى. ەكىنشى كەزەڭ - 3:2. جەكپە-جەك قورىتىندىسىندا نۇربەك ورالباي جەڭىسكە جەتتى.

وسىلايشا، قازاقستان قۇراماسى الەم بىرىنشىلىگىن 4 التىن، 1 كۇمىسپەن اياقتادى. بۇل - رەكوردتىق ناتيجە.

ەسكە سالا كەتەيىك، بۇدان بۇرىن جانىبەك ءالىمحان ۇلىنىڭ كاسىپقوي بوكستا ستيۆەن باتلەردى نوكاۋتپەن ۇتقانىن جازعان بولاتىنبىز.

سونداي-اق بۇگىن تاشكەنتتە قازاقستاندىق ءۇش بوكسشى چەمپيوندىق اتاق ءۇشىن رينگكە شىعاتىنى حابارلاندى.

ماحمۇد سابىرحان وزبەك بوكسشىسىن قوس نوكداۋنمەن ۇتىپ، الەم چەمپيونى اتاندى.

وزبەكستان قۇراماسىنداعى قازاق جىگىتى الەم چەمپيونى اتاندى.

قۇراما كاپيتانى اسلانبەك شىمبەرگەنوۆ قازاقستان قورجىنىنا ءۇشىنشى التىندى سالدى.