وزىڭىزگە مىنا سوزدەردى ەشقاشان ايتپاڭىز
كوڭىل كۇيىڭىز تۇسەدى جانە جالپى ەموتسيالىق جاعدايىڭىز ناشارلايدى. سوندىقتان مىنا سوزدەردى وزىڭىزگە ەشقاشان ايتپاڭىز.
«مەن ادەمى ەمەسپىن»
كوپ جاعدايدا ايەلدەر ءوزى تۋرالى بۇل ءسوزدى شىنايى ايتپايدى. ءبىراق جاي ايتساڭىز دا، ول سىزدە كومپلەكستەردىڭ پايدا بولۋىنا اسەر ەتۋى مۇمكىن. سۇلۋلىق تۇسىنىگى اركىم ءۇشىن ءارقالاي. ەگەر سىزگە ءوزىڭىز «وبەكتيۆتى تۇردە ادەمى ەمەس» سەكىلدى كورىنسەڭىز، بۇل جاعىمسىز پىكىرمەن جۇمىس ىستەپ، وزىڭىزگە باسقا قىرىنان قاراپ كورۋ كەرەك. ءوزىڭىزدىڭ مىقتى تۇستارىڭىزبەن جۇمىس ىستەڭىز جانە حاريزماڭىزدى دامىتىڭىز.
«مەن سەمىزبىن»
بۇل ءسوزدى ايەلدەر ءارتۇرلى ماقساتتا ايتادى. بىرەۋلەر شىنىمەن سەمىرىپ كەتتىم دەپ ويلايدى دا، باسقالاردىڭ راستاعانىن كۇتەدى. تاعى بىرەۋلەر وزدەرىنىڭ سەمىز ەكەنىنە شىن سەنەدى جانە وىنە قانداي دا ءبىر شەكتەۋلەر قويادى (مىسالى، كيىم تاڭداۋ كەزىندە)، ال باسقالارى ادامداردىڭ وعان ولاي ەمەس ەكەنىن ايتقانىن قالايدى. الايدا بۇل جاعدايلاردىڭ ەشبىرەۋىندە مۇنداي ءسوزدى ايتپاعان دۇرىس.
ەگەر سىزدە ارتىق سالماق بار دەپ ويلاساڭىز، سىزگە باسقا ادامنىڭ ويى كەرەك ەمەس: تەك ءوز سەزىمدەرىڭىزدى تىڭداپ، تاماقتانۋعا وزگەرىس ەنگىزۋ جايلى شەشىمدى ءوزىڭىز قابىلداڭىز.
«جولىم بولمايدى»
كوپشىلىك ءساتتى كەزدەسۋ، كەرەمەت ۇسىنىس جانە ت. ب نارسەلەردى ارماندايدى. الايدا ادامدار ارماندارىنىڭ ورىندالۋىنا كۇش سالۋعا اركەز دايىن بولا بەرمەيدى. ومىردەگى پروبلەمالاردى جولى بولماۋشىلىقپەن بايلانىستىرادى. سوزدەردى ىسكە اينالدىرىڭىز، سول كەزدە ءومىرىڭزدىڭ وزگەرىپ باستاعانىن بايقايسىز.
«مەن اقىماقپىن»
ءبىر قىزىعى، بۇل ءسوزدى كوبىنە اقىلدى ادامدار ايتادى. ءاربىر ادامنىڭ ومىرىندە قاتەلىكتەر مەن ساتسىزدىكتەر بولادى، باستىسى - بەرىلمەي، جاعىمسىز تاجىريبەدەن وزىڭىزگە قاجەت نارسەنى الا ءبىلۋ.
«مەن باقىتسىزبىن»
بۇل ءسوزدى ايتقاندا نەگاتيۆكە زەيىن قوياسىز دا، ونى ودان سايىن وزىڭىزگە تارتاسىز. ومىرگە قاناعاتتانبايسىز، اشۋلانشاق بولىپ كەتەسىز. بۇل ءسىزدىڭ ىشكى جاعدايىڭىزدى ناشارلاتىپ قانا قويماي، اينالاڭىزداعىلارعا دا اسەر ەتەدى.
