الماتىدا جۇكتى ايەل كولىك ىشىندە بوساندى

الماتى. قازاقپارات - الماتىعا تالعار اۋدانىنان كەلگەن جۇكتى ايەل كولىك ىشىندە بوساندى، دەپ حابارلايدى قازاقپارات ءتىلشىسى.

ايەلدىڭ سوزىنشە، ول تالعار اۋدانىنان الماتىعا ءبىر جۇمىستارىمەن كەلگەن. جول ۇستىندە تولعاعى قىسقان.

الماتى قالالىق قوعامدىق دەنساۋلىق ساقتاۋ باسقارماسى حابارلاعانداي، ساعات 12:45-تە جەدەل مەديتسينالىق جاردەم ديسپەتچەرلىك قىزمەتىنە كولىكتە ايەلدىڭ بوسانعانى تۋرالى حابارلاما ءتۇستى. جەدەل جاردەم بريگاداسى كەلگەنشە ساعات 12:57-دە ايەل كولىكتە بوسانعان.

جەدەل مەديتسينالىق كومەك بريگاداسى كەلگەن سوڭ قاجەتتى مەديتسينالىق كومەكتى كورسەتىلدى. انا مەن بالا №1-قالالىق پەرزەنتحاناعا جەتكىزىلدى، وندا بارلىق قاجەتتى مەديتسينالىق مانيپۋلياتسيالار جۇرگىزىلدى.

«قازىر ايەلدىڭ جاعدايى قاناعاتتانارلىق. بالانىڭ سالماعى 3 كەلىدەن اسادى. ول ءينۆازيۆتى ەمەس جەلدەتۋدەگى بالالار بولىمىندە ورنالاستى. بالانىڭ ومىرىنە ەشقانداي ءقاۋىپ ءتونىپ تۇرعان جوق»، - دەپ حابارلادى قالالىق قوعامدىق دەنساۋلىق ساقتاۋ باسقارماسىندا.