استانادا «مۋزەيلەر تۇنىندە» قانداي ءىس-شارالار ۇيىمداستىرىلادى
ICOM حالىقارالىق مۋزەيلەر كەڭەسىنىڭ تۇجىرىمداماسىنا سايكەس، بيىلعى جىلعى اكتسيانىڭ تاقىرىبى - «مۋزەيلەر، تۇراقتىلىق پەن ءال- اۋقات» . وسىعان بايلانىستى ۇلتتىق مۋزەي ۇجىمى ەلوردا تۇرعىندارى مەن قوناقتارى ءۇشىن «مۋزەي- ۋاقىت اعىمىندا» اتتى اۋقىمدى تاريحي- تانىمدىق جوباسىن ۇسىنىپ وتىر.
كۇندىزگى 10:00-18:00 ارالىعىندا عىلىمي كىتاپحانادا «مۋزەيدىڭ قور ساقتاۋ قىزمەتىن ۇيىمداستىرۋ: تەورياسى مەن پراكتيكاسى» سيمپوزيۋمى وتسە، مۋزەي زالدارىندا «بالدىرعان گيد» جوباسى اياسىنداعى شولۋ ەكسكۋرسيالار، «جادىگەرلەر سويلەيدى» كۆەست- ساباعى ۇيىمداستىرىلادى.
كەشكى 18:00-دەن باستاپ ۇلتتىق مۋزەي باسىلىمدارى مەن «الماتى- كىتاپ» باسپاسىنىڭ كىتاپ كورمەسى، «تاريحي تۇلعالار: قۋىرشاق بەينەسىندە» اۆتورلىق قۋىرشاقتار كورمەسى، «كونەنىڭ كوزىن اشۋ» اتتى ق ر ۇلتتىق مۋزەيى كونسەرۆاتسيا جانە قالپىنا كەلتىرۋ قىزمەتىنىڭ كورمەسى مەن شەبەرلىك ساباقتارى، قولونەر جارمەڭكەسى، عىلىمي دارىستەر، تەاترلاندىرىلعان ەكسكۋرسيالار مەن ويىن- كۆەستتەر باستالادى. «جۇلدىزدى گيد» جوباسىندا ەلگە تانىمال تاريحشىلار راديك تەمىرعالييەۆ، جاقسىلىق ءسابيتوۆ، مۇحيت-ارداگەر سىدىقنازاروۆ، مەديامەنەدجەر ارمانجان بايتاسوۆ، بلوگەر دياس كامەريدانوۆ پەن «Pygmalion» گالەرەياسىنىڭ نەگىزىن قالاۋشى داناگۇل تولەپباي مۋزەي زالدارىندا ەكسكۋرسيا جۇرگىزەدى.
مەرەكەلىك كەشتە ۇرمەلى اسپاپتار وركەسترى، سيمفونيالىق وركەستر، بي ۇجىمدارى، ديدجەيلەر ونەرلەرىن پاش ەتىپ، سوڭىندا وتتى شوۋ كورسەتىلەدى.
«مۋزەيلەر ءتۇنى» - ەلىمىزدىڭ مادەني ومىرىندەگى ەلەۋلى وقيعا، كوپشىلىك اسىعا كۇتەتىن ءداستۇرلى شارالاردىڭ ءبىرى. اۋقىمدى شارانىڭ نەگىزگى ماقساتى - ەلىمىزدىڭ ەڭ باستى الەۋمەتتىك- مادەني مەكەمەسى رەتىندە مۋزەيگە دەگەن كوپشىلىكتىڭ قىزىعۋشىلىعىن وياتۋ، تاريحي- مادەني مۇرالارعا ارنالعان بىرەگەي شارالار مەن باعدارلامالار ارقىلى مۋزەيدىڭ بەدەلىن ارتتىرۋ. ول جاستاردىڭ شىعارماشىلىعىن دامىتۋعا، مادەني ورتا قۇرۋعا ۇلكەن سەپتىگىن تيگىزەدى. ەلوردامىزدىڭ تۇرعىندارى مەن قوناقتارى ءۇشىن اتالمىش شارا مۋزەي الەمىمەن تانىسۋعا، مۋزەي كوللەكتسيالارى مەن ەكسپوزيتسياسىن كورۋگە، مادەني باعدارلامالارعا قاتىسۋعا جانە كوڭىلدى دەمالىپ قايتۋعا زور مۇمكىندىك بەرەدى.
ايتا كەتەيىك، كەشكى 18:00-دەن باستاپ حالىقتىڭ بارلىق ساناتى ءۇشىن مۋزەيگە كىرۋ - تەگىن.
