اتىراۋ وبلىسى مەكتەپتەرىندە ساباقارالىق ءۇزىلىس ۇزاقتىعى نەگىزسىز قىسقارعان
اتىراۋ وبلىسى پروكۋراتۋراسىنىڭ باسپا ءسوز قىزمەتىنەن ءمالىم ەتكەندەي، پروكۋراتۋرا ورگاندارى قاداعالاۋىنىڭ باسىم باعىتتارىنىڭ ءبىرى - كامەلەتكە تولماعانداردىڭ قۇقىقتارى مەن زاڭدى مۇددەسىن قورعاۋ.
وسىعان وراي جىلىوي اۋدانىنىڭ پروكۋراتۋراسى جالپى ءبىلىم بەرۋ مەكەمەلەرىنىڭ وقۋشىلارى ءۇشىن ساباقتار اراسىنداعى ۇزىلىستەردىڭ ۇزاقتىعىن رەتتەيتىن زاڭنامانىڭ ساقتالۋىنا تالداۋ جۇرگىزگەن.
«اۋدان مەكتەپتەرىندە ۇزىلىستەردىڭ ۇزاقتىعى نەگىزسىز قىسقارعانى انىقتالدى. بۇل وقۋشىلاردىڭ ساباقتار اراسىندا دەمالۋ قۇقىعىن شەكتەدى. پروكۋرورلىق دەن قويۋ شارالارىمەن اۋداندىق ءبىلىم ءبولىمى 863 سىنىپ ءۇشىن ساباق كەستەسىن تۇزەتتى. وسىلايشا، اۋدانداعى جالپى ءبىلىم بەرەتىن 20 مەكتەپتە 18481 وقۋشىنىڭ قۇقىعىن قالپىنا كەلتىرىلدى»، - دەپ حابارلادى پروكۋراتۋرانىڭ باسپا ءسوز قىزمەتى.
سونداي-اق، وبلىس پروكۋراتۋرادا كامەلەتكە تولماعاندار اراسىنداعى قىلمىس پەن قۇقىق بۇزۋشىلىقتىڭ الدىن الۋعا بايلانىستى پروبلەمالىق ماسەلەلەر تالقىلاندى.
«ءبىزدىڭ مەملەكەتىمىز بالالاردىڭ ءقاۋىپسىز قوعامدا ءومىر سۇرۋىنە، ساپالى ءبىلىم الۋىنا قولايلى جاعداي جاساۋدى ۇستانىپ وتىر. دەمەك، كامەلەتكە تولماعان جاسوسپىرىمدەر اراسىندا سالاۋاتتى ءومىر سالتىن قالىپتاستىرۋعا ءمان بەرگەنىمىز ءجون. بالالاردىڭ قۇقىقتارىن قورعاۋعا، ولارعا قاتىستى زورلىق-زومبىلىق ارەكەتتەرىن بولدىرماۋعا ءتيىسپىز. وسى ورايدا ۋاكىلەتتى ورگاندار قولايسىز وتباسىلارداعى بالالاردىڭ ءومىر ءسۇرۋ جاعدايىن تۇراقتى نەگىزدە تەكسەرىپ، وتباسىلىق- تۇرمىستىق زورلىق-زومبىلىقتىڭ الدىن الۋدى جۇرگىزۋى، جازعى كانيكۋل كەزەڭىندە وقۋ ورىندارىنىڭ سپورتتىق قۋاتتارىن تارتۋى، مەكتەپ پسيحولوگتارى مەن الەۋمەتتىك پەداگوگتار ءۇشىن ترەنينگتەر ۇيىمداستىرۋى قاجەت»، - دەدى وبلىس پروكۋرورى باۋىرجان جۇماقانوۆ.
ەسكە سالا كەتەلىك، بۇدان بۇرىن اتىراۋ وبلىسىندا 15 مىڭعا جۋىق ءبۇلدىرشىن بالاباقشا كەزەگىندە تۇرعانىن جازعان ەدىك.
