جانىبەك ءالىمحان ۇلى كانادالىق قارسىلاسىمەن ايقاس الدىندا كوز ارباستى

استانا. قازاقپارات - ورتا سالماقتا WBO چەمپيونى جانىبەك ءالىمحان ۇلى (13-0، 8 ك و) كانادالىق ستيۆەن باتلەرمەن (32-3-1، 26 ك و) جەكپە-جەك الدىندا كوز ارباستى، دەپ حابارلايدى قازاقپارات ءتىلشىسى.

بوكسشىلار بۇگىن رەسمي باسپا ءسوز ءماسليحاتىندا كەزدەستى.

جەكپە-جەك جەكسەنبى، ياعني 14- مامىر كۇنى وتەدى. بۇل كەزدەسۋ 12 راۋندقا ەسەپتەلگەن.

قازاقستاندىق چەمپيون تيتۋلىن ەكىنشى رەت قورعاماق.

قوس بوكسشى اراسىنداعى جەكپە-جەك ستوكتون قالاسىندا (ا ق ش، كاليفورنيا) وتەدى.

تىكەلەي ەفير استانا ۋاقىتىمەن ساعات 07:00 دە باستالادى. قازاقستاندىق جانكۇيەرلەر جەكپە-جەكتى تىكەلەي ەفيردە «حابار» تەلەارناسىنان كورە الادى.

ايتا كەتەيىك، جانىبەك سوڭعى جەكپە-جەگىن وتكەن جىلدىڭ قاراشا ايىندا وتكىزىپ، بريتاندىق بوكسشى دەنزەل بەنتليمەن (18-2-1، 15 ك و) جۇدىرىق ءتۇيىستىردى.

ناتيجەسىندە تورەشىلەردىڭ ءبىراۋىزدان قابىلداعان شەشىمىمەن جەڭىسكە جەتتى.

باتلەر جەلتوقسان ايىندا امەريكالىق دجوشۋا كونليمەن (17-5-1، 11 ك و) جەكپە-جەكتە جەڭىمپاز اتانعان.

اۆتور: كۇنسۇلتان وتارباي