الماتى وبلىستىق مادەنيەت باسقارماسىنىڭ باسشىسى قاماۋعا الىندى

قونايەۆ. قازاقپارات - الماتى وبلىسى مادەنيەت، مۇراعاتتار جانە قۇجاتتاما باسقارماسىنىڭ باسشىسى بيۋجەت قاراجاتىن ۇرلادى دەگەن كۇدىككە ءىلىندى، دەپ حابارلايدى قازاقپارات ءتىلشىسى.

«الماتى وبلىسى بويىنشا سىبايلاس جەمقورلىققا قارسى قىزمەت «الماتى وبلىسىنىڭ مادەنيەت، مۇراعاتتار جانە قۇجاتتاما باسقارماسى» م م باسشىسىنا جانە باسقا دا ادامدارعا قاتىستى سوتقا دەيىنگى تەرگەۋ جۇرگىزۋدە.

لاۋازىمدى تۇلعا قولما-قول اقشاعا اينالعان جانە ءوز قالاۋى بويىنشا پايدالانىلعان بيۋجەت قاراجاتىن ۇرلادى دەپ كۇدىكتەنەدى.

اعىمداعى جىلدىڭ 30- ساۋىرىندە ىلە اۋدانىنىڭ تەرگەۋ سوتىنىڭ سانكسياسىمەن مەملەكەتتىك ورگاننىڭ باسشىسى قاماۋعا الىندى»، - دەلىنگەن سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتىنىڭ حابارلاماسىندا.

ۆەدومستۆونىڭ اقپاراتىنا سايكەس، سوتقا دەيىنگى تەرگەۋ جالعاسۋدا.

ق ر ق پ ك- ءنىڭ 201-بابىنا سايكەس تەرگەۋ مۇددەسىندە وزگە دە اقپارات تاراتىلۋعا جاتپايدى.

كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق ءىس جۇرگىزۋ كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءارقايسىسى كىناسىز دەپ ەسەپتەلەدى.