15:26, 12 - مامىر 2023 | GMT +5
قازاقستان قۇراماسىنان العاشقى بوكسشى الەم چەمپيوناتىنىڭ فينالىنا شىقتى
استانا. قازاقپارات - تاشكەنت قالاسىندا ەرلەر اراسىندا ءوتىپ جاتقان بوكستان الەم چەمپيوناتىندا قازاقستاندىق سانجار تاشكەنباي فينالعا شىقتى، دەپ حابارلايدى قازاقپارات ءتىلشىسى.
قازاقستاندىق بوكسشى 48 كەلىگە دەيىنگى سالماقتا رەسەيدىڭ ءتورت مارتە چەمپيونى ەدموند حۋدويانمەن قولعاپ ءتۇيىستىردى.
تارتىستى وتكەن باسەكەدە سانجار باسىم بولدى. ەسەپ 5:0، س. تاشكەنبايدىڭ پايداسىندا.
بۇگىن تاعى ءتورت بوكسشى فينالعا شىعۋ ءۇشىن تالاسادى.
ەسكە سالا كەتەيىك، بۇدان بۇرىن بۇگىن بەس قازاقستاندىق بوكسشىنىڭ الەم چەمپيوناتىنىڭ فينالىنا شىعۋ ءۇشىن تالاساتىنىن جازعان بولاتىنبىز.
