بيىل اسكەر قاتارىنا ءۇش مىڭ الماتىلىق جىبەرىلەدى
بۇل تۋرالى وڭىرلىك كوممۋنيكاتسيالار قىزمەتى بريفينگىسىندە الماتى قالاسى المالى اۋدانى قورعانىس ىستەرى جونىندەگى باسقارماسىنىڭ باستىعى پولكوۆنيك ايدار مۇسىرەپوۆ ايتتى، دەپ حابارلايدى قازاقپارات ءتىلشىسى.
سپيكەردىڭ ايتۋىنشا، قازىرگى تاڭدا الماتىدان 760 ەر ازامات مەرزىمدى اسكەري بورىشىن وتەۋگە اتتانعان.
«بۇگىنگى كۇنى الماتىدا ق ر اسكەري قىزمەت جانە اسكەري قىزمەتشىلەردىڭ مارتەبەسى تۋرالى زاڭ مەن پرەزيدەنت جارلىعىنا سايكەس كوكتەمگى اسكەرگە شاقىرۋ ناۋقانى ءجۇرىپ جاتىر. بيىل الماتى قالاسىنان 18-27 جاس اراسىنداعى 3 مىڭ ازامات اسكەري بورىشىن وتەۋگە جىبەرىلەدى. ولار ق ر قارۋلى كۇشتەرى، ۇ ق ك شەكارا قىزمەتى، مەملەكەتتىك كۇزەت قىزمەتى، توتەنشە جاعدايلار مينيسترلىگى مەن ۇلتتىق ۇلان قاتارىن تولتىراتىن بولادى. بۇگىنگى كۇنى 760 الماتىلىق اسكەري بورىشىن وتەۋگە اتتانىپ كەتتى»، - دەدى ايدار مۇسىرەپوۆ.
سپيكەر، سونداي-اق، الماتىدا كوكتەمگى اسكەرگە شاقىرۋ مەرزىمى 1- ناۋرىز – 30- ماۋسىم ارالىعى، ال كۇزگى شاقىرىلىم 1- قىركۇيەك – 31- جەلتوقسان ارالىعىندا بولاتىنىن جەتكىزدى.
