ەرەجە ساقتامايدى ءبىراق اپات جوق. ءۇندىستانداعى جول قوزعالىسى تۋرالى قىزىق دەرەكتەر

استانا. قازاقپارات – ەگەر وسى ەلدى كولىك، بايك نەمەسە ۆەلوسيپەدپەن شارلايتىن بولساڭىز، مىنا كەڭەستەر سىزگە پايدالى بولارى ءسوزسىز.

ءسىز ءومىر بويى جول ەرەجەسىن بۇزباي كەلىپ، ءۇندىستانعا بارا قالساڭىز مادەني شوكتا بولاسىز. ويتكەنى بۇل ەلدە جولداعى ءومىر ءوز اعىسىمەن، الەمدە مويىندالعان جول قوزعالىسى ەرەجەسىنە (ج ق ە) مۇلدە باعىنبايدى، - دەپ حابارلايدى Tengritravel.kz ءتىلشىسى تۋريستاس باسىلىمىنا سىلتەمە جاساپ.

ج ق ە جوق

ءۇندىستان جولادرىنداعى باستى ەرەجە - جول قوزعالىسى ەرەجەسىنىڭ مۇلدە بولماۋى. ونى جۇرگىزۋشىلەر دە، جاياۋ جۇرگىنشىلەر دە ساقتامايدى. جەرگىلكتى حالىق جولاقتاردى ولاي دا، بۇلاي دا كەسىپ ءوتىپ، قارسى باعىتپەن جۇرەتىنىنە دايىن بولىڭىز.

سەكۋند سايىن دىبىس بەلگىسى

ەگەر ءبىزدىڭ ەلدە جۇرگىزۋشىلەر دىبىستىق بەلگىنى بەلگىلى ءبىر جاعدايلاردا عانا پايدالانسا، ءۇندىستاندا كلاكسوندى ۇنەمى باسابەرەدى. باستاپقىدا بۇل ءسىزدى اشۋلاندىرادى، ماسەلەن ءسىز بايكپەن كەلە جاتىرسىز، ءسىزدى كولىك ەش كەدەرگىسىز اينالىپ وتەدى، ءبىراق ءبارىبىر ۇزاعىنان «بيپىلدەتەدى».

باعدارشام مەن جول بەلگىسى تىم از

ارينە ءىرى قالالاردا ينفراقۇرىلىم نىساندارى الدىندا ءسىز باعدارشام مەن جول بەلگىسىن كورەسىز، ءتىپتى ەرەجەنى دە ساقتايتىن جۇرگىزۋشىلەر بار. الايدا تۋريستتىك ورىنداردا نەمەسە شەتكەرى اۋدانداردا مۇنداي جوقتىڭ قاسى. دەگەنمەن جۇرگىزۋشىلەر قوزعالىس تىم ۇلكەن جول ايرىعىندا دا جول اپاتىنا تۇسپەي جۇرەدى.

اگرەسسيا جوقتىڭ قاسى

ءۇندىستان جولدارىندا اگرەسسيانىڭ بولماۋى تاڭداندرادى. ەگەر ەشكىم ج ق ە ۇستانباسا، جانجالدار دا بولۋى ءتيىس قوي. الايدا مۇنداي مۇلدە جوقتىڭ قاسى. بۇعان مەنتاليتەت پەن جىلى كۇن رايى اسەر ەتەتىن بولسا كەرەك.

قاۋىپسىزدىك

جالپى، ءۇندىستان جولدارى ءبىز ءۇشىن حاوس، ءبىراق وندا قاۋىپسىز ەكەنى بايقالادى. ءسىز كولىك تولى جول قيىلىسىنان ۆەلوسيپەدپەن ءوتىپ بارا جاتساڭىز دا، سىزگە دىبىستىق بەلگى بەرگەنىمەن، وتكىزىپ جىبەرەدى. كەيدە جىلى شىرايمەن كۇلىپ، ءسات ساپار دا تىلەيدى!