الماتىدا بالالار فەستيۆالى باستالدى
فەستيۆالدىڭ باستى يدەياسى- بالالاردىڭ شىعارماشىلىق قابىلەتىن دامىتۋ جانە قولداۋ ءۇشىن قالادا جۇزەگە اسىرىلىپ جاتقان ۇزدىك جوبالار مەن باستامالاردى بىرىكتىرۋ.
فەستيۆال 300 مىڭ بالانى قامتيدى جانە 3 كەزەڭدە (مەكتەپ، اۋداندىق، قالالىق) 7 باعىت بويىنشا كونكۋرستار وتكىزىلەدى:
- «جۇلدىزدى ءسات»
- «بوياۋلار قۇپياسى»
- «ونەرلى بالا»
- «كىتاپ - ءبىلىم بۇلاعى»
- «جاسىل الماتى»
- «OpenAir Sport»
- «حاكاتون - IT Universe»
1-ماۋسىم كۇنى ءىس- شارانىڭ 1000 نان استام جەڭىمپازدارىن ماراپاتتاۋ ءراسىمى وتەدى. ءىس-شارا بارىسىندا بيىل حالىقارالىق جانە رەسپۋبليكالىق زياتكەرلىك وليمپيادالاردىڭ 50 التىن مەدال يەگەرىنە قۇرمەت كورسەتىلەدى. ۇزدىك جەتىستىكتەردىڭ ارقاسىندا الماتى قالاسىنىڭ قۇراما كومانداسى 18 جىلدان بەرى «ق ر ۇزدىك وليمپيادالىق كومانداسى» اتانىپ كەلەدى.
سونداي-اق فەستيۆال اياسىندا وزگە دە مەرەكەلىك ءىس-شارالار وتەدى. كىشكەنتاي قالا تۇرعىندارىن ەرتەگى كەيىپكەرلەرى، مۋلتفيلمدەر مەن كوميكستەردىڭ كەيىپكەرلەرى قىزىقتىرادى. بالالار ءۇشىن تانىمدىق ويىندار، سپورتتىق جارىستار، شەبەرلىك سىنىپتارى، كورمەلەر جانە باسقا دا كوپتەگەن ويىن- ساۋىقتار ۇيىمداستىرىلماق. سونىمەن قاتار، بالالارعا ارنالعان اۋماقتا فوتوايماق قۇرىلادى.
ايتا كەتەيىك، العاشقى فەستيۆال مەملەكەت باسشىسىنىڭ قاتىسۋىمەن 2022 -جىلى بالالار جىلى اياسىندا ءوتتى.
