تۇركيادا پرەزيدەنتتىككە ۇمىتكەرلەر ءبىر-بىرىنەن اسىپ تۇسەتىن ۋادەلەر ايتتى

استانا. قازاقپارات- تۇركيادا ساياسي دودا كۇن سايىن قىزا ءتۇستى. ساعات ساناپ پرەزيدەنتتىككە ۇمىتكەرلەر مەن پارلامەنتتە دەپۋتات سانىن كوبەيتكىسى كەلەتىن پارتيالار ءبىر-بىرىنەن اسىپ تۇسەتىن ۋادەلەردى ءۇيىپ توگۋدە.

«مەملەكەت» پارتياسىنىڭ ءتوراعاسى، نەگىزگى كانديداتتاردىڭ ءبىرى مۋحاررەم ينجە ۇمىتكەرلىكتەن باس تارتتى. ول مۇنىسىن وزىنە قارسى جاسالعان ارانداتۋشىلىقتارمەن بايلانىستىرادى.

مۋحاررەم ينجە سونىمەن قاتار رەجەپ تايىپ ەردوعاندى ەمەس، ونىڭ باستى باسەكەلەسى - رەسپۋبليكالىق حالىق پارتياسىنىڭ باسشىسى كەمال كىلىچداروعلۋدى قولدايتىنىن ايتىپ قالدى.

مۋحاررەم ينجە، «مەملەكەت» پارتياسىنىڭ ءتوراعاسى:

- مەن ساياساتتا جۇرگەنىمە 40 جىلدان استى، ءبىراق وسى جىلدار ىشىندە سوڭعى 45 كۇندە بولعان دۇنيەلەر مەنى شوشىتتى. جالعان چەكتەر، جالعان بەينەلەر. مەنىڭ سۋرەتىم يزرايلدىك ەرەسەكتەر سايتتتارىندا جاريالاندى. پوليتسيا دا، پروكۋراتۋرا دا تەكسەرىپ جاتقان جوق. بۇل جالادان تۇرىك مەملەكەتى مەنىڭ ابىرويىمدى قورعاي الماي وتىر.

وسىلايشا، پرەزيدەنتتىككە 3 ۇمىتكەر - قازىرگى مەملەكەت باسشىسى، ادىلەت جانە دامۋ پارتياسىنىڭ جەتەكشىسى رەجەپ تايىپ ەردوعان، ونىڭ باستى قارسىلاسى كىلىچداروعلۋ جانە اتا اليانسىنان ۇمىتكەر سينان وگان قالدى. ال الدىن- الا جاسالعان ساۋالنامالارعا سايكەس 2 نەگىزگى كانديدات بار. ولار - قازىرگى مەملەكەت باسشىسى رەجەپ تايىپ ەردوعان مەن وپپوزيتسيالىق «حالىق اليانسى» پارتيالارىنىڭ ءبىرىڭعاي كانديداتى كەمال كىلىچداروعلۋ.

ەلدىڭ قازىرگى پرەزيدەنتى رەجەپ تايىپ ەردوعان سايلاۋ الدىندا قارا تەڭىز تابيعي گازىن قۇرلىققا شىعارىپ، ءبىر جىل بويى تۇرعىنداردىڭ تۇرمىستا قولداناتىن كوگىلدىر وتىنىن اقىسىز بولاتىنىن جاريالادى. قوسىمشا گاباردا تاعى دا تابيعي گاز كەنىشىنىڭ تابىلعانىن ايتتى. وتاندىق كولىك پەن تەڭىز جانە اۋە قورعانىس ونىمدەرىمەن تانىستىردى. ال 11-مامىر كۇنى ەڭ تومەنگى مەملەكەتتىك قىزمەتكەردىڭ جالاقىسى شىلدە ايىنان باستاپ 22 مىڭ ليرا بولاتىنىن مالىمدەدى. بۇل - ءبىزدىڭ اقشاعا شاققاندا 500 مىڭ تەڭگە.

رەجەپ تايىپ ەردوعان، تۇركيا پرەزيدەنتى:

- ءبىز زەينەتكەردەن باستاپ مەملەكەتتىك قىزمەتشىلەرگە، مۇگەدەكتەردەن شەيىتتەردىڭ تۋىستارى مەن ارداگەرلەرگە دەيىن قوعامىمىزدىڭ بارلىق توپتارىن قولدادىق. ەكونوميكامىز وسكەن سايىن جاسالعان قوسىمشا قۇننان بۇكىل حالقىمىزدىڭ لايىقتى ۇلەسىن الۋىن قامتاماسىز ەتتىك. ەلىمىز باسىنان وتكەرگەن اۋىر قيىنشىلىقتارعا، تابيعي اپاتتارعا، جاھاندىق ەكونوميكالىق داعدارىستارعا جانە وڭىرىمىزدەگى قاقتىعىستارعا قاراماستان ءبىز بۇل سەزىمتالدىقتى ساقتاپ قالدىق.

وپپوزيتسيا كوشباسشىسى كەمال كىلىچداروعلۋ ەل ەكونوميكاسىن تۇزەتۋ ءۇشىن شەتەلدەن 300 ميلليارد دوللار ينۆەستيتسيا تارتامىن دەپ ۋادە ەتتى. سونداي- اق ونىڭ سايلاۋالدى باعدارلاماسىندا 2 جىل ىشىندە تۇركياداعى بارلىق بوسقىندار ەلدەرىنە قايتۋى ءتيىس.

كەمال كىلىچتاروعلۇ، حالىق اليانسىنىڭ كانديداتى:

- حالقىمىز شەتەلدە ەمەس، وسىندا ءونىم شىعاراتىن بولادى. ءبىز ءبارىن ءوزىمىز وندىرەمىز. تۇركيا الەممەن باسەكەلەس بولادى. ەلىمىزدە دۇنيەدەگى جۇمىسسىزدىق، يمميگراتسيا، قوقىس ءۇيىندىسى بولمايدى. تۇركيانى الەممەن بارلىق سالادا باسەكەلەسكە اينالدىرامىز.

تۇركيا تۇرعىندارى 14-مامىردا جاڭا پرەزيدەنتتى، سونداي- اق الداعى 5 جىلعا ارنالعان ۇلى ۇلتتىق ءماجىلىستىڭ 600 دەپۋتاتىن تاڭداۋ ءۇشىن سايلاۋ ۋچاسكەلەرىنە بارادى. ەگەر ءبىرىنشى تۋردا مەملەكەت باسشىسى لاۋازىمىنا ۇمىتكەرلەردىڭ ەشقايسىسى ابسوليۋتتى كوپشىلىك داۋىس جيناي الماسا، وندا 2 اپتادان كەيىن ەكىنشى تۋر وتەدى. وعان ءبىرىنشى تۋردا ەڭ كوپ داۋىس جيناعان 2 كانديدات ىلىگەدى.

اۆتورى: مەرۋەرت قاناعات

www.24.kz