قورعاس ورتالىعىندا ساۋدا-ساتتىق جاندانا باستادى
ارنايى ەكونوميكالىق ايماققا قازاقستان جاعىنان تاۋلىگىنە 1,5 مىڭ ادام كىرىپ- شىعادى. ولار حالىقارالىق ورتالىقتاعى قىزمەت ساپاسىنىڭ ءبىرشاما جاقسارعانىن ايتىپ وتىر.
- «قورعاستاعى» تىرشىلىك، مىنە، 3 جىل ۇزىلىستەن سوڭ قايتادان جاندانا باستادى. ورتالىق اشىلعان 2 اپتانىڭ ىشىندە مۇندا قازاقستان تاراپىنان 30 مىڭعا جۋىق ادام كىرىپ- شىققان. كىرۋ قۇنى - 3 مىڭ تەڭگە. بيلەتتەر ونلاين تۇردە، تەرمينال جانە كاسسا ارقىلى ساتىلادى. وتانداستارىمىز ارنايى ەكونوميكالىق ايماققا ايىنا 1 رەت كىرىپ، 31 كەلى تاۋار الىپ شىعا الادى. ساتىپ العان زاتىڭىز 5 كەلىدەن اسپاسا، قول جۇگى رەتىندە الىپ وتە بەرەسىز. اۆتوبۋستار 20 مينۋت سايىن قاتىنايدى. بايقاعانىمىزداي، حالىقارالىق اۋەجاي تالاپتارىنا ساي سالىنعان تەرمينالدا بۇرىنعىداي ۇزىن- سونار كەزەك جوق.
اديليام سايدۋللايەۆا، ساۋدا ءۇيىنىڭ وكىلى:
- اقىرىنداپ تۋريستەر كەلىپ جاتىر. ءبىزدىڭ قازاقستان جاقتان ءوتۋ وتە جەڭىل. قوناق ۇيلەر بار، ول جاقتا قونۋعا بولادى. اسىقپاي كەلىپ، ارالاپ، 30 كۇن تۇرۋعا بولادى. ەلدەرگە وتە ىڭعايلى.
اسەت بايعارايەۆ، «قورعاس» ش ى ح و» دەپارتامەنت ديرەكتورى:
- بارلىق جۇيەلەر مودەرنيزاتسيادان ءوتتى. پاسپورتتىق باقىلاۋ پۋنكتتەرى مودەرنيزاتسيا جاسالدى. كەلۋشىلەر اۋماقتان جۇكتى الىپ، جۇك قابىلداۋ پۋنكتىنە وتكىزگەننەن كەيىن 1 ساعاتتىڭ ىشىندە ءوز جۇگىن الىپ كەتۋگە مۇمكىندىك الدى. ال بۇرىن، پاندەمياعا دەيىن ونداي مۇمكىندىك بولماعان. تۋريستەردىڭ قاۋىپسىزدىگىن قامتاماسىز ەتۋ ماقساتىندا ارنايى ەكونوميكالىق ايماق اۋماعى جارىقتاندىرىلىپ، بارلىق جەرگە بەينەباقىلاۋ كامەراسى ورناتىلعان.
حالىقارالىق ورتالىقتىڭ قازاقستاندىق بولىگىندە ازىرگە 10 شاقتى ساۋدا ءۇيى جۇمىس ىستەپ تۇر. مۇنداعى ءىرى كاسىپكەردىڭ ءبىرى - ا ق ش ازاماتى گەرمان ليبەرمان. ول ورتا ازيا، ەۋروپا ەلدەرىنەن اكەلىنگەن كيىم- كەشەك پەن كىلەم ساتۋمەن اينالىسادى. قىتايلىق تۋريستەر ساپالى تاۋاردان اقشا ايامايدى. اسىرەسە قازاقستاندا وندىرىلگەن ازىق- تۇلىككە دەگەن سۇرانىس جوعارى.
گەرمان ليبەرمان، كاسىپكەر:
- 24-ساۋىردە «قورعاستاعى» ساۋدا ورىندارى قايتادان جۇمىس ىستەي باستادى. ءبىز بۇعان، ارينە، وتە قۋانىشتىمىز. بىرنەشە جىلدان بەرى وسىندا قوسىمشا قۇن سالىعىنسىز ساۋدا جاساۋمەن اينالىسىپ كەلەمىز. پاندەميادان كەيىن جۇمىستى قايتادان جولعا قويىپ جاتقان جايىمىز بار.
گاو چەن، تۋريست:
- ماعان قازاقستاندا وندىرىلگەن ازىق- تۇلىك تاۋارلارى ۇنايدى. وسى جاقتان الىپ، ىشكى قىتايدا ساۋدالاسام با دەيمىن. ارنايى ەكونوميكالىق ايماقتىڭ قايتادان اشىلۋى ەكى مەملەكەت ءۇشىن دە وتە ءتيىمدى بولادى دەگەن ويدامىن.
«قورعاس» شەكارا ماڭى ىنتىماقتاستىعى حالىقارالىق ورتالىعىن» دامىتۋدىڭ 2023-2025 -جىلدارعا ارنالعان ستراتەگيالىق تۇجىرىمداماسى قابىلدانىپ، جۇزەگە اسا باستادى. وندا ساۋدا- ساتتىق، تۋريستىك كلاستەردى وركەندەتۋگە بارىنشا باسىمدىق بەرىلگەن. «ارنايى ەكونوميكالىق ايماقتىڭ باس جوسپارىنا سايكەس ءىرى ساۋدا، ويىن- ساۋىق ورتالىقتارى مەن قوناق ءۇي كەشەندەرىنىڭ قۇرىلىسى سياقتى ينۆەستيتسيالىق جوبالاردى جۇزەگە اسىرۋ - كۇن تارتىبىندەگى وزەكتى ماسەلەنىڭ ءبىرى. ءبىز وزىمىزگە كەلىپ تۇسكەن جوبالاردى وبەكتيۆتى تۇردە قاراپ، اشىقتىقتى بارىنشا قامتاماسىز ەتۋگە تىرىسامىز»، - دەيدى باسقارۋشى كومپانيا وكىلدەرى.
www.24.kz
