الماتىداعى اۆتوسالوندار تۇتىنۋشىلارىن قوسىمشا جابدىقتار ساتىپ الۋعا ماجبۇرلەگەن
اۆتوكولىك ساتاتىن ورتالىقتاردا قوسىمشا جابدىق الۋعا ماجبۇرلەۋى زاڭسىز سانالادى.
«اۆتوسالونداردىڭ مۇنداي ارەكەتتەرى زاڭ نورمالارىنا قايشى كەلەدى. اقپاراتتىق ءىس-شارالار بارىسىندا زاڭنىڭ 8-1-بابىنا سايكەس، ساتۋشى تۇتىنۋشىمەن جاسالعان شارتقا تۇتىنۋشىنىڭ قۇقىقتارىن بۇزاتىن جانە (نەمەسە) ولارعا قىسىم جاسايتىن تالاپتاردى ەنگىزبەۋى ءتيىس ەكەندىگى ءتۇسىندىرىلدى. زاڭنىڭ 28-بابىنا سايكەس، ساتۋشى ءوزىنىڭ جۇمىس رەجيمىن ەسكەرە وتىرىپ، تۇتىنۋشىعا قولايلى ۋاقىتتا ءتيىستى ساپالى تاۋاردى ەركىن تاڭداۋدى قامتاماسىز ەتۋگە مىندەتتى. تۇتىنۋشىنى تاۋاردى قاجەتسىز مولشەردە جانە اسسورتيمەنت ساتىپ الۋعا ماجبۇرلەۋگە جانە بەلگىلى ءبىر تاۋارلاردى ساتىپ الۋدى، باسقا تاۋارلاردى مىندەتتى تۇردە ساتىپ الۋعا نەگىزدەۋگە تىيىم سالىنادى»، - دەپ حابارلادى دەپارتامەنتەن.
تۇتىنۋشىلارعا جاڭا اۆتوموبيلدەردى ساتۋ كەزىندە، قوسىمشا وپتسيالاردى ورناتۋ تەك ساتىپ الۋشىنىڭ كەلىسىمىمەن جۇزەگە اسىرىلادى.
مىسالى، كليەنتتەر ساتىپ الماعان جاڭا كولىكتەردى ساتۋ كەزىندە، قوسىمشا وپتسيالار ورناتىلعان كولىككە، قوسىمشا جابدىقتىڭ قۇنى جانە ونى ورناتۋ جاڭا كولىكتىڭ قۇنىنا قوسىلادى.
«مۇنداي جاعدايلاردا ساتىپ الۋشى وسى جابدىقتى بولشەكتەۋمەن شىعىستارعا كەلىسكەن جاعدايدا قوسىمشا جابدىقتى بولشەكتەۋدى تالاپ ەتۋگە قۇقىلى. ءبىراق ساتىپ الۋشى كولىكتى قوسىمشا جابدىقسىز ساتىپ الۋعا قۇقىلى ەكەنىن ەستە ۇستاعان ءجون»، - دەپ ءتۇسىندىردى ۆەدومستۆو وكىلدەرى.
بۇعان دەيىن ساۋدا جانە ينتەگراتسيا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتى ەگەر اۆتوكولىك ساتىپ الاتىندار وسىنداي جاعدايعا تاپ بولسا، تۇتىنۋشىلاردىڭ قۇقىقتارىن قالپىنا كەلتىرۋ ءۇشىن اۆتوكولىك ورتالىعىنىڭ اتاۋىن كورسەتە وتىرىپ، ق ر ساۋدا جانە ينتەگراتسيا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنە جۇگىنە الاتىندارىن ايتقان بولاتىن.
