سەمەيدەگى ەسكەرتكىشتەر تىزىلىمىنە تاعى ءبىر تاريحي عيمارات قوسىلدى

سەمەي. قازاقپارات - سەمەي قالاسىنداعى نايمانبايەۆ كوشەسى، 187 مەكەنجايىنداعى كوپەس ءۇيى بىرنەشە رەت بۇزىلۋدان امان قالدى.
None
Фото: Абай облысы әкімдігінің баспасөз қызметі

جاقىندا عيمارات تاريح جانە ساۋلەت ەسكەرتكىشتەرىنىڭ تىزىلىمىنە ەنگىزىلىپ، مەملەكەت تەڭگەرىمىنە الىنعان، دەپ حابارلايدى قازاقپارات.

بۇل تۋرالى اباي وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا وبلىستىق مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى ايدار يبرايەۆ ءمالىم ەتتى.

«قازىر عيمارات ءبىزدىڭ قورعاۋىمىزدا. عيماراتتىڭ يەسى بار، ءبىراق سەمەيدە تۇرمايدى. ءبىز ونىمەن تۇراقتى بايلانىستامىز. ءۇي يەسى عيمارتتىڭ كەلبەتىن ساقتاي وتىرىپ، قايتا قالپىنا كەلتىرەدى. نىساننىڭ بۇزىلۋىنا جول بەرمەيمىز»، - دەدى ايدار يبرايەۆ.

باسقارما باسشىسى بۇرىنعى «بينار» قوناقۇيى جايلى دا ايتىپ ءوتتى.

«مۇندا نىساندى قالپىنا كەلتىرۋ جۇمىستارى ءجۇرىپ جاتىر. بىزگە الدىن الا ۇلگىسىن كورسەتتى جانە كوميسسياعا ۇسىندى. باستاپقى كەلبەتى بۇزىلاتىن بولعاندىقتان، عيماراتتى كىرپىشپەن قاپتاۋعا كەلىسپەدىك. يەسى ءبىزدىڭ ۇسىنىسىمىزدى قۇپتادى، - دەدى ايدار يبرايەۆ.

نايمانبايەۆ كوشەسى، 116 مەكەنجايىنداعى بۇرىنعى تەلەگراف كەڭسەسىنىڭ عيماراتىندا دا جوندەۋ جۇمىستارى جۇرگىزىلۋدە.

«عيمارات اپاتتى جاعدايدا تۇرعاندىقتان، تاريح جانە ساۋلەت ەسكەرتكىشتەرى قاتارىنان شىعارىلعان. ءقازىر نىساننىڭ ىشكى قالپىنا كەلتىرۋ جۇمىستارى باستالدى، يەسىمەن تىعىز بايلانىستامىز. الداعى ۋاقىتتا عيماراتتى ءوز تەڭگەرىمىمىزگە الامىز»، - دەپ تۇيىندەدى ءسوزىن ايدار يبرايەۆ.

سوڭعى جاڭالىقتار