مەدەۋدەگى الاپات ءورتتىڭ شىعۋىنا ادام فاكتورى سەبەپ بولۋى مۇمكىن

الماتى. قازاقپارات - مەدەۋدەگى ءىرى ءورتتىڭ شىعۋ سەبەبى تەكسەرىلىپ جاتىر.

بۇل تۋرالى باسپا ءسوز ءماسليحاتى بارىسىندا الماتى قالالىق ت ج د باسشىسىنىڭ مىندەتىن ۋاقىتشا اتقارۋشى سامات اساينوۆ ايتتى، دەپ حابارلايدى قازاقپارات ءتىلشىسى.

ايتۋىنشا، وقيعا ورنىندا دەپارتامەنت انىقتاۋشىلارى جۇمىس ىستەگەن.

كۋاگەرلەردىڭ سوزىنشە، ولار تاۋدان تومەن قاراي جۇگىرىپ كەلە جاتقان ادامداردى كورگەن، سودان كەيىن شىرشالار ورتەنە باستاعان.

كۇدىكتىلەردى انىقتاۋعا ارنالعان بارلىق ماتەريالدار مەدەۋ اۋدانىنىڭ پوليتسياسىنا تاپسىرىلدى.

سوتقا دەيىنگى تەرگەۋ اياسىندا وقيعانىڭ ءمان-جايى مەن سەبەپتەرى انىقتالادى.

زەرتحانانىڭ الدىن الا قورىتىندىسى بويىنشا، ءورتتىڭ شىعۋ سەبەبى - اشىق وت وشاعى.

«گورەلنيك تاۋىنىڭ بۇل بولىگى تۋريستەرگە قاتتى ۇنايدى، ول جەرگە كەلۋشىلەر وتە كوپ. ءورتتىڭ شىعۋىنا ادام فاكتورى سەبەپ بولۋى مۇمكىن. ءبىزدىڭ انىقتاۋشىلار سول جەرگە بارىپ، كەلۋشىلەر ورتالىعىنداعى ءدامحانادا بولعان رەسپوندەنتتەردىڭ ايتۋىنشا، ەڭىس جاقتان بىرەۋدىڭ جۇگىرىپ كەلە جاتقان، سودان كەيىن شىرشالار وتقا ورانعان. وسى دەرەكتەردى نەگىزگە الا وتىرىپ، ماتەريالدار پوليتسياعا جولداندى»، - دەدى سامات. اساينوۆ.

ەسكە سالايىق، 7- مامىر تۇنگى ساعات 23.00 شاماسىندا ىلە الاتاۋى مەملەكەتتىك ۇلتتىق تابيعي پاركى كىشى الماتى ورمانشىلىعى 33-اۋماعىندا ءورت شىققان بولاتىن.

جالىنمەن كۇرەسكە ءورت سوندىرۋشىلەر، بىرنەشە تەحنيكا مەن تىكۇشاق جۇمىلدىرىلعان.

تۇتانعان وتپەن كۇرەس كەزىندە ءورت ءسوندىرۋشى ارسلان قۇرمانبەكوۆ مەرت بولدى.

كەيىن الماتى قالالىق توتەنشە جاعدايلار دەپارتامەنتى قازا تاپقان قىزمەتكەر ارسلان قۇرمانبەكوۆتىڭ وتباسىنا 13 ميلليون تەڭگە وتەماقى بەرىلەتىنىن ايتتى.