بيىل العاش رەت تۋريستەر عارىشقا ۇشىرىلادى

استانا. قازاقپارات – Virgin Galactic- ءتىڭ Galactic 01 ميسسياسى 2023-جىلدىڭ ماۋسىم ايىنىڭ سوڭىندا عارىشقا العاشقى تۋريستەردى ۇشىرادى.
None

بۇل تۋرالى كومپانيا باسشىسى، ميللياردەر ريچارد برەنسون مالىمدەدى.

العاشقى رەيسكە بيلەت ساتىپ العانداردىڭ اتى-ءجونى ءالى جاريالانعان جوق. مۇنداي رەيستىڭ باعاسى 450000 دوللار.

Virgin Galactic 2021-جىلدىڭ جازىندا VSS Unity زىمىرانىمەن جەر وربيتاسىنا العاشقى ساپارىن جاسادى. سودان كەيىن برەنسوننىڭ ءوزى شاقىرعان ءۇش تۋريستپەن بىرگە اسپانعا ۇشتى. كەلەسى رەيستەرگە بيلەتتەر تەك 2022-جىلدىڭ اقپان ايىنان باستاپ ساتىلا باستادى.

برەنسوننىڭ SpaceShipTwo ۇشاعىن 14 شاقىرىم بيىكتىككە دەيىن WhiteKnightTwo ۇشاق تاسۋشىسى الىپ شىعادى. ارى قاراي سۋبوربيتالدى ۇشاق 42 سەكۋندتا اۋەنىڭ ستراتوسفەرا قاباتىنان مەزوسفەرا قاباتىنا ءوتىپ، 82,7 شاقىرىم بيىككە دەيىن كوتەرىلە الادى. بۇل ۇشاق داۋىس جىلدامدىعىنان 2,9 ەسە تەز ۇشادى.

ۇشاق جەر اتموسفەراسى مەن كەڭىستىگىنىڭ شەكاراسىنا دەيىن جەتەدى. جەر اتموسفەراسى مەن عالامنىڭ شەكاراسى 100 شاقىرىم بيىكتىكتە. سول سەبەپتى ۇشۋدىڭ ەڭ جوعارى بيىكتىگى 90 شاقىرىم. ودان جوعارى تارتىلىس كۇشى جوق.

ۇشۋ كەزىندە جولاۋشىلار سالماقسىزدىقتى سەزىنىپ، تەرەزە ارقىلى جەر شارىن كورە الادى.

«كومپانيا «مامىر ايىنداعى ميسسياسى عارىشقا تۋريستەردى ۇشىرۋعا ارنالعان سىناقتىڭ سوڭعىسى بولادى» دەپ مالىمدەگەننەن سوڭ اكسياسى %4 عا ءوستى» دەپ جازدى reuters.

ايتا كەتەيىك، 2021-جىلى بريتانيالىق كاسىپكەر جانە استروناۆت ريچارد برەنسون ءوزىنىڭ Virgin Galactic كومپانياسىنا تيەسىلى ۇشاعىمەن 90 شاقىرىم بيىكتىككە كوتەرىلدى. ول عارىشقا جەكە ۇشاقپەن ۇشقان العاشقى ادام اتاندى.

برەنسون نيۋ-مەكسيكدا جەرگىلىكتى ۋاقىتپەن تاڭعى 8:30 دا ۇشىپ، ءبىر ساعاتتان سوڭ جەرگە قايتا ورالدى. ونى Virgin Galactic تىكەلەي ەفيردە كورسەتتى. ريچارد عارىشتا بولعان كەزىندە ونىڭ كەرەمەت سۇلۋلىعىن سۋرەتتەپ، وسىنداي عاجاپتى كورۋگە سەبەپكەر عارىش كەمەسىن جاساعان ارىپتەستەرىنە راحمەت ايتتى.

massaget.kz

سوڭعى جاڭالىقتار