ۇلى بريتانيادا ءۇش اتا-اناسى بار تۇڭعىش ءسابي دۇنيەگە كەلدى

استانا. قازاقپارات – نيۋكاسلداعى ۇرىقتاندىرۋ ورتالىعىنىڭ دارىگەرلەرى گەنەتيكالىق جاعىنان ءۇش اتا-اناسى بار تۇڭعىش بالا دۇنيە كەلگەنىن حابارلادى.

بۇل تۋرالى The Guardian جازدى.

بالادا تۇقىم قۋالايتىن گەنەتيكالىق اۋرۋلاردىڭ دامۋىن بولدىرماۋ ءۇشىن جاڭاشىل وسىنداي پروتسەدۋرا قولدانىلادى.

بىرىككەن كورولدىكتە ءۇش ادامنىڭ د ن ق- سى ارقىلى جاسالعان العاشقى نارەستە دارىگەرلەر بالالاردىڭ تۇقىم قۋالايتىن اۋرۋلاردىڭ الدىن الۋعا باعىتتالعان جاڭاشىل ەكو پروتسەدۋراسىن جاساعاننان كەيىن دۇنيەگە كەلدى.

ميتوحوندريالاردى الماستىرۋ تەراپياسى - اۋرۋدىڭ الدىن الۋ ءۇشىن ءبىر نەمەسە بىرنەشە جاسۋشاداعى ميتوحوندريالاردى اۋىستىرۋ. قاۋىپتى مۋتاتسيالاردىڭ الدىن الۋ ءۇشىن دارىگەرلەر ەمبريونداردى جاساۋ ءۇشىن ساۋ دونورلاردىڭ جۇمىرتقالارىنان ۇلپا الادى.

ميتوحوندريالاردى زاقىمدايتىن مۋتاتسيالار كوبىنەسە ەنەرگيانى قاجەت ەتەتىن تىندەرگە اسەر ەتەدى: مي، جۇرەك، بۇلشىق ەتتەر جانە باۋىر. ونى اۋىستىرۋ اعزانى اۋرۋلاردان قورعاي الادى، نارەستە ساۋ تۋادى، تولىق ءومىر سۇرە الادى.

پروتسەدۋرا بىرنەشە قادامداردان تۇرادى:

بىرىنشىدەن، اكەنىڭ ۇرىعى «تۋعان انا» جانە «دونور انا» جۇمىرتقالارىن ۇرىقتاندىرۋ ءۇشىن پايدالانىلادى؛

دونورلىق جۇمىرتقانىڭ گەنەتيكالىق ماتەريالى جويىلىپ، ونىڭ ورنىنا الىنعان ماتەريالمەن اۋىستىرىلادى؛

ۇرىقتاندىرىلعان «ساۋ» جۇمىرتقا؛

دارىگەرلەر الىنعان جۇمىرتقانىڭ ەكى اتا-انادان دا حروموسومالاردىڭ تولىق جيىنتىعى بار ەكەنىنە كوز جەتكىزەدى؛

سودان كەيىن ول جاتىرعا يمپلانتاتسيالانادى.

2015-جىلى ەل پارلامەنتى بۇل پروتسەدۋراعا رۇقسات بەرۋ ءۇشىن زاڭعا ارنايى وزگەرىستەر ەنگىزگەنىن جازدى. ەكى جىلدان كەيىن نيۋكاسل كلينيكاسى ونى ورىنداۋعا ليتسەنزياسى بار العاشقى جانە جالعىز ۇلتتىق ورتالىق بولدى، العاشقى جۇمىس 2018-جىلى ماقۇلداندى.

دارىگەرلەر ءدال وسىلاي قانشا بالانىڭ دۇنيەگە كەلگەنى تۋرالى ناقتى مالىمەتتەردى ايتپايدى. ارنايى اقپارات پاتسيەنتتىڭ جەكە ومىرىنە نۇقسان كەلتىرۋى مۇمكىن دەگەن قاۋىپ بار. الايدا، «مۇنداي سابيلەردىڭ دۇنيەگە كەلگەن سانى بەسكە دە جەتپەگەنى» بەلگىلى بولدى.

ساراپشىلار بۇل ءادىستىڭ وزىندىك قاۋىپ-قاتەرى بار ەكەنىن ەسكەرتەدى. زەرتتەۋلەر كورسەتكەندەي، كەيبىر جاعدايلاردا انانىڭ جۇمىرتقاسىنان دونوردىڭ جۇمىرتقاسىنا ءسوزسىز تاسىمالداناتىن قالىپتى ەمەس ميتوحوندريالاردىڭ از عانا مولشەرى نارەستە قۇرساعىندا بولعان كەزدە كوبەيە الادى. بۇل جاڭا تۋعان نارەستەدە اۋرۋدىڭ دامۋىنا اكەلۋى مۇمكىن.