سەۋلدە دۇنيەجۇزىلىك كوشپەندىلەر ويىندارىنىڭ تۇساۋكەسەرى ءوتتى

استانا. قازاقپارات - قازاقستاندا وتەتىن دۇنيەجۇزىلىك كوشپەندىلەر ويىندارىنا الەمنىڭ تۇكپىر- تۇكپىرىنەن سپورت جۋرناليستەرى شاقىرىلدى.

سەۋلدەگى دۇنيەجۇزىلىك جانە ازيالىق سپورت تىلشىلەرىنىڭ كونگرەسىندە بۇل جارىستىڭ تۇساۋى كەسىلدى. شاراعا 80 ەلدەن 200 دەلەگات قاتىستى. فورۋمدا «قازاقستاننىڭ حالىق ديپلوماتياسى» فوتوكورمەسى ۇيىمداستىرىلىپ، سپورتتىق كوماندالاردىڭ كيىمدەرى كورسەتىلدى.

V دۇنيەجۇزىلىك كوشپەندىلەر ويىندارى 2024 -جىلدىڭ قىركۇيەگىندە استانادا وتەدى. وعان 26 ەلدىڭ سپورتشىلارى قاتىسادى دەپ جوسپارلانىپ وتىر. جارىستار سپورتتىڭ 20 تۇرىنەن وتەدى. ونىڭ ىشىندە كوكپار، بايگە، توعىزقۇمالاق سياقتى قازاق ۇلتتىق ويىندارى بار.

چون حي دون، ازيا سپورت جۋرناليستەر وداعىنىڭ پرەزيدەنتى:

- مەنىڭ ويىمشا، كوشپەندىلەر ويىندارى وتە قىزىق. اسىرەسە كوكپار مەن بايگە. سپورت جۋرناليستەرىنىڭ كوشپەندىلەر ويىندارىنا قىزىعۋشىلىعى جوعارى. كوشپەندىلەردىڭ ءداستۇرلى ويىندارى تۋرالى كورەرمەندەرگە ايتۋدىڭ جاقسى مۇمكىندىگى دەپ ويلايمىن.

www.24.kz