سەناتور استاناداعى سۋ تاپشىلىعى ماسەلەسىن كوتەردى

استانا. قازاقپارات - بۇگىن سەناتتىڭ جالپى وتىرىسىندا دەپۋتات بيبىگۇل جەكسەنباي ەلوردا تۇرعىندارىن اۋىز سۋمەن قامتاماسىز ەتۋ ماسەلەلەرى جانە ولاردى شەشۋ جولدارى تۋرالى ايتىپ بەردى، دەپ حابارلايدى قازاقپارات ءتىلشىسى.

ونىڭ ايتۋىنشا، زەرتتەۋلەر بويىنشا ەلىمىزدە 2040-جىلعا قاراي %50 سۋ تاپشىلىعى بولۋى ىقتيمال.

«قازىرگى كەزدە ەلوردادا سۋ تاپشىلىعى تاۋلىگىنە 30 مىڭ تەكشە مەتردى قۇرادى»، - دەدى ب. جەكسەنباي.

سەناتوردىڭ سوزىنە قاراعاندا، سول جاعالاۋدا تۇرعىن ءۇي قۇرىلىسىنىڭ قارقىندى سالىنۋى سۋ تاپشىلىعىنا اسەر ەتىپ وتىر.

بۇدان بولەك ول 4 ميلليوننان استام قازاقستاندىقتى سۋمەن قامتاماسىز ەتىپ وتىرعان ەرتىستىڭ سۋى كوپتەگەن كاسىپورىنداردىڭ سالىنۋىنان، زاڭدى تۇلعالاردىڭ، شارۋا قوجالىقتارىنىڭ، كووپەراتيۆتەردىڭ سۋدى كوپ كولەمدە پايدالانۋىنان، سونداي-اق ۇنەمدەمەۋىنەن جانە ەكولوگيالىق جاعدايلارعا بايلانىستى ازايىپ كەلەدى.

«ساتپايەۆ كانالى ارقىلى ەرتىستىڭ سۋىن ەلورداعا بۇرۋ بويىنشا جوبادان باسقا دا بالاما باعىتتاردى قاراستىرۋ كەرەك. سۋدى ءبولۋدىڭ حالىقارالىق تاجىريبەسىنە سايكەس، حالىقارالىق قۇقىق اياسىندا ترانسشەكارالىق سۋ رەسۋرستارىن باسقارۋدىڭ جاڭا مودەلدەرىن قولعا الۋ قاجەت. سۋ رەسۋرستارىن كەشەندى باسقارۋ سالاسىنداعى مامانداردىڭ ءبىلىم دەڭگەيىن ارتتىرۋدى جانە ءبىلىم بەرۋ جۇيەسىنىڭ ادىستەمەسىن جاڭارتۋدى سۇرايمىز»، - دەدى بيبىگۇل جەكسەنباي ۇكىمەت باسشىسى ءاليحان سمايىلوۆتىڭ اتىنا جولداعان ساۋالىندا.