ەلوردادا «قازاقستان تەمىر جولى» ا ق- عا قاتىستى تەرگەۋ ءجۇرىپ جاتىر

استانا. قازاقپارات - ەلوردادا «قازاقستان تەمىر جولى» ۇلتتىق كومپانياسىنا قاتىستى باسەكەلەستىكتى قورعاۋ جانە مونوپولياعا قارسى زاڭدىلىقتاردىڭ ورىندالۋى بويىنشا تەرگەۋ جۇمىسى باستالدى.

بۇل تۋرالى باسەكەلەستىكتى قورعاۋ جانە دامىتۋ اگەنتتىگىنىڭ استانا قالاسى بويىنشا دەپارتامەنتىنىڭ باسشىسى تيمۋر كالەنوۆ ءمالىم ەتتى، دەپ حابارلايدى قازاقپارات ءتىلشىسى.

«باسەكەلەستىكتى قورعاۋ جانە دامىتۋ اگەنتتىگىنىڭ استانا قالاسى بويىنشا دەپارتامەنتى ءوز قۇزىرەتى اياسىندا تاۋار نارىعىندا باسەكەلەستىكتى قورعاۋ جانە مونوپوليستىك قىزمەتتى شەكتەۋ بويىنشا قىزمەتتى جۇزەگە اسىرادى. ءبىزدىڭ دەپارتامەنتتىڭ الدىندا بىرنەشە مىندەت بار. اتاپ ايتقاندا، نارىق سۋبەكتىلەرىنىڭ ەكونوميكالىق تيىمدىلىگىن جانە باسەكەگە قابىلەتتىلىگىن ارتتىرۋ، ادال باسەكەلەستىكتى دامىتۋعا جاردەمدەسۋ. سونىمەن قاتار، باسەكەلەستىكتى قورعاۋ سالاسىنداعى زاڭناماسىن بۇزۋشىلىقتاردىڭ الدىن الۋ، انىقتاۋ جانە تەرگەپ- تەكسەرۋ، جولىن كەسۋ جانە باسەكەلەستىكتى شەكتەيتىن نارىق سۋبەكتىلەرىن مونوپولياسىزداندىرۋ»، - دەدى تيمۋر كالەنوۆ استانا قالاسىنىڭ كوممۋنيكاتسيالار قىزمەتى الاڭىندا وتكەن بريفينگىدە.

ونىڭ ايتۋىنشا، مونوپولياعا قارسى زاڭداردىڭ بۇزىلۋىنا جول بەرمەۋ ءۇشىن حابارلامالار، ەسكەرتۋلەر، ۇيعارىمدار جاسالىپ، تەرگەپ- تەكسەرۋلەر جۇرگىزىلەدى.

«جىل باسىنان بەرى 3 سۋبەكتىگە قاتىستى تەرگەۋ شاراسى ءجۇرىپ جاتىر. ولار استانا حالىقارالىق اۋەجايى، «ديۋفري سەنترال ە ي ج ا» ج ش س جانە «قازاقستان تەمىر جولى» ا ق. سونىمەن قاتار بيىل 5 سۋبەكتىگە حابارلاما جىبەرىلدى. ودان بولەك، 2023 -جىلدىڭ 1-توقسانىندا ت م د ەلدەرى بويىنشا بەلگىلەنگەن شەكتى باعالاردى ارتتىرۋ بويىنشا 3 سۋبەكتىگە مەملەكەتتىك ساتىپ الۋلاردا ۇيعارىم شىعارىلدى»، - دەيدى ول.