ەلىمىزدە قانشا ميلليون ادام جۇمىس ىستەيدى
ونىڭ ىشىندە قالالىق جەردە جۇمىسپەن قامتىلعاندار ۇلەسى 4,6 پايىزعا، (5,5 ميلليون ادام)، ال اۋىلدىق جەرلەردە ءبىر جىل ىشىندە 2,4 پايىزعا (3,5 ميلليون ادام) دەيىن تومەندەگەنى بايقالدى، دەپ حابارلايدى قازاقپارات ءتىلشىسى Finprom.kz رەسۋرسىنا سىلتەمە جاساپ.
ەلىمىزدە جۇمىس ىستەۋشىلەردىڭ 94,5 پايىزى ءبىر جەردە عانا ەڭبەك ەتەدى. 4,2 پايىزى نەگىزگى جۇمىستا، جەكە كاسىپ جانە قوسىمشا جۇمىستا، تاعى 1,3 پايىزى نەگىزگى جانە قوسىمشا تۇردە ەڭبەك ەتەدى.
كاسىپتىك ءبىلىم دەڭگەيى بويىنشا 4 ميلليون ادامنىڭ جوعارى جانە جوعارى وقۋ ورنىنان كەيىنگى ءبىلىمى، 4,4 ميلليون ادامنىڭ تەحنيكالىق جانە كاسىپتىك ءبىلىمى، 582,6 مىڭ ادامنىڭ باستاۋىش، نەگىزگى، جالپى ورتا ءبىلىمى بار.
جۇمىسپەن قامتىلعانداردىڭ ىشىندە 6,8 ميلليون ادام جالدامالى قىزمەتكەر، 1,6 ميلليون ادام جەكە كاسىپكەر، 498,1 مىڭ ادام تاۋەلسىز قىزمەتكەر، 19,8 مىڭ ادام جەكە پراكتيكامەن اينالىساتىن ادامدار، 5,8 مىڭ ادام شارۋاشىلىق سەرىكتەستىكتەر (قاتىسۋشىلارى) جانە اكتسيونەرلىك قوعامدىق ۇيىمنىڭ قۇرىلتايشىلارى، اكتسيونەرلەرى (قاتىسۋشىلارى)، سونداي-اق وندىرىستىك كووپەراتيۆتەردىڭ مۇشەلەرى.
وڭىرلەرگە كەلەك، ەڭ كوپ جۇمىسپەن قامتىلعاندار الماتىدا 1 ميلليون ادام، بۇل وتكەن جىلمەن سالىستىرعاندا 2,2 پايىزعا ارتىق. ودان ءارى توپ-3 وڭىرگە تۇركىستان وبلىسى (793,8 مىڭ ادام، جىلىنا %2,1) جانە الماتى وبلىسى (677,9 مىڭ ادام، مينۋس %30,2) كىرەدى. ەڭ از جۇمىسپەن قامتىلعاندار ۇلىتاۋ وبلىسى (101,7 مىڭ ادام)، سق و (277,2 مىڭ ادام) جانە اباي وبلىسىندا (287,1 مىڭ ادام).
كاسىپتىك سالاعا كەلسەك، ەڭ كوپ جۇمىسپەن قامتىلعاندار كوتەرمە جانە بولشەك ساۋدا سالاسىندا، سونداي-اق اۆتوجوندەۋدە بار (1,5 ميلليون ادام).
سونىمەن قاتار حالىق جۇمىسپەن جاقسى قامتىلعان نەگىزگى ءۇش سالاعا ءبىلىم، اۋىل، ورمان جانە بالىق شارۋاشىلىعى كىرەدى.
سۇرانىسقا يە ەمەس قىزمەت سالالارى اراسىندا سۋمەن جابدىقتاۋ، ونەر، ويىن-ساۋىق جانە دەمالىس سەكتورى، سونداي-اق ەلەكترمەن جابدىقتاۋ بار.
