قازاقستاندا تەمىر جول بيلەتتەرىنىڭ باعاسى كۇرت تومەندەۋى مۇمكىن
باس كولىك پروكۋراتۋراسى جوسپارلى تالداۋ شەڭبەرىندە كولىك سالاسىنداعى ۋاكىلەتتى ورگاننىڭ «الەۋمەتتىك ماڭىزى بار قاتىناستار بويىنشا جولاۋشىلاردى تاسىمالداۋ جونىندەگى قىزمەتتەرگە باعالاردىڭ (تاريفتەردىڭ) شەكتى دەڭگەيلەرىن ايقىنداۋ ادىستەمەسىن بەكىتۋ تۋرالى» بۇيرىعىن (بۇدان ءارى - ادىستەمە) زەردەلەدى.
«ادىستەمەگە ديناميكالىق باعا بەلگىلەۋ ءپرينتسيپى بويىنشا جول ءجۇرۋ قۇنىن انىقتاۋ فورمۋلاسى زاڭسىز ەنگىزىلگەنى انىقتالدى، بۇل ءىس جۇزىندە جول ءجۇرۋ قۇجات باعاسىنىڭ قىمباتتاۋىنا مۇمكىندىك بەرگەن»، - دەلىنگەن حابارلامادا.
وسى نورماتيۆتىك اكتىگە وسى جىلدىڭ 21-اقپانىندا باس كولىك پروكۋراتۋراسىمەن يندۋستريا جانە ينفراقۇرىلىمدىق دامۋ مينيسترلىگىنە نارازىلىق كەلتىرىلدى، ول تولىق كولەمدە قاناعاتتاندىرىلدى.
«پروكۋراتۋرا باستاماشىلىعىمەن ەنگىزىلگەن تۇزەتۋلەر جولاۋشىلارعا پويىزداردا ءجۇرۋ قۇنىن ەداۋىر تومەندەتۋگە جانە بيلەتتەردىڭ شەكتى باعاسىن بەلگىلەۋگە مۇمكىندىك بەرەدى»، - دەلىنگەن حابارلامادا.
بۇگىنگى تاڭدا تەمىرجول بيلەتتەرىن ساتۋ كەزىندە ديناميكالىق باعا بەلگىلەۋدى قولدانۋ توقتاتىلدى، وسى نورمانى الىپ تاستاۋ تۋرالى بۇيرىقتىڭ جوباسى ۋاكىلەتتى ورگاندارمەن كەلىسىلۋ ساتىسىندا
