وتباسى بانكتىڭ «ۇماي» يپوتەكاسىنا ءوتىنىم قابىلداۋ جارتى كۇنگە عانا سوزىلدى
تۇسكە تامان ءوتىنىمنىڭ كوپتەپ تۇسۋىنە بايلانىستى ناۋقان تەز ارادا توقتاتىلدى، دەپ حابارلايدى قازاقپارات بانكتىڭ باسپا ءسوز قىزمەتىنە سىلتەمە جاساپ.
«ۇماي» ايەلدەر يپوتەكاسىنىڭ تارتىمدى شارتتارى بارلىق ساتۋ ارنالارىندا ۇلكەن سۇرانىسقا يە بولدى. ءبىز نەسيە بەرۋ ءليميتى كۇننىڭ العاشقى بولىگىندە تاۋسىلادى دەپ كۇتكەن جوقپىز جانە وكىنىشكە قاراي، قازاقستان بويىنشا ءوتىنىم قابىلداۋدى جابۋعا ءماجبۇر بولدىق. ازيا دامۋ بانكىمەن ىنتىماقتاستىقتىڭ وسىنداي تابىستى تاجىريبەسى ءالى جالعاسادى دەپ ۇمىتتەنەمىز. بارلىق جاڭالىقتاردى Instagram جانە YouTube ارقىلى ايتىپ وتىرامىز. تۇسكە دەيىن ءوتىنىم بەرىپ ۇلگەرگەن باقىتتى جانداردى قۇتتىقتايمىز جانە باسپانا تۋرالى ارماندارىڭىزدى جۇزەگە اسىرۋدا ساتتىلىك تىلەيمىز» ، - دەپ جازدى وتباسى بانك.
سونداي- اق، وتباسى بانك بۇل جوبانى ءارى قاراي جالعاستىرۋدى جوسپارلاپ وتىرعانىن جەتكىزدى.
جوبانى سول شارتتار بويىنشا جالعاستىرۋ ءۇشىن ازيا دامۋ بانكىمەن كەلىسسوز جۇرگىزىلەدى.
