جەتىسۋ وبلىسى ءبىلىم باسقارماسىنىڭ باسشىسى ايجان ادامبەكوۆا ءوز ەركىمەن جۇمىستان كەتتى

تالدىقورعان. قازاقپارات - جەتىسۋ وبلىسى ءبىلىم باسقارماسىنىڭ باسشىسى ايجان ادامبەكوۆا ءوز ەركىمەن جۇمىستان كەتتى، دەپ حابارلايدى قازاقپارات ءتىلشىسى.

قازاقپارات تىلشىسىنە اقپاراتتى جەتىسۋ وبلىسى اكىمىنىڭ باسپا ءسوز قىزمەتى راستادى.

«اقپاراتتى راستايمىز. ايجان ادامبەكوۆا ءوز ەركىمەن جۇمىستان كەتتى»، - دەپ جازدى ۆەدومستۆونىڭ باسپا ءسوز قىزمەتىنەن.

ايجان مامان قىزى وبلىستىق ءبىلىم باسقارماسىنىڭ باسشىسى بولىپ 2022-جىلدىڭ 18- تامىزىندا تاعايىندالعان.

ايتا كەتەيىك، تالدىقورعان قالالىق ءبىلىم ءبولىمىنىڭ باسشىسى 280 ميلليون تەڭگە پارامەن ۇستالعان بولاتىن.

بۇعان دەيىن پروكۋراتۋرا تالدىقورعاندىق ەسەپشىلەردىڭ ۇستالعانىن راستادى.

كەيىن ميللياردتاعان تەڭگەنى ۇرلاعان تالدىقورعاندىق ەسەپشىنىڭ ىسىنە انتيكور ارالاستى.

انتيكور تالدىقورعاننىڭ ءبىلىم ءبولىمى قىزمەتكەرلەرىنىڭ سومكە-سومكە اقشامەن ۇستالعان ۆيدەوسىن جاريالادى.