زەينەتاقى جيناعىن شەكتەۋسىز شەشىپ الۋعا بولاتىنى راس پا؟
ۆەدومستۆو مالىمەتىنشە، الەۋمەتتىك جەلىلەردە زەينەتاقى جيناقتارىن ەڭ تومەنگى جەتكىلىكتىلىك شەگىنە قاراماستان الۋعا بولاتىنى جايىندا اقپارات تاراپ جاتىر.
«ب ج ز ق بۇل اقپاراتتىڭ جالعان ەكەنىن ەسكەرتىپ، مۇنداي حابارلامالاردى ەلەمەۋگە كەڭەس بەرەدى! زاڭناماعا سايكەس، جيناقتالعان زەينەتاقى جيناقتارىن ءۇي جاعدايىن جاقسارتۋ مەن ەمدەلۋگە مەرزىمىنەن بۇرىن تەك زەينەتكەرلەر، زەينەتاقى اننۋيتەتى شارتىن جاساسقان ازاماتتار جانە قازىرگى ۋاقىتتا جۇمىس ىستەيتىن جانە زەينەتاقى شوتىندا ەڭ تومەنگى جەتكىلىكتىلىك شەگىنەن اساتىن قاراجاتى بار ازاماتتار عانا پايدالانا الادى»، - دەلىنگەن حابارلامادا.
ەسكە سالايىق، قازاقستاندا جەتكىلىكتىلىكتىڭ جاڭا شەگى 2023-جىلدىڭ 1- قاڭتارىنان باستاپ كۇشىنە ەنگەن بولاتىن. 2023-جىلعا ارنالعان شەك جاسىنا بايلانىستى 3 تەن 10 ميلليون تەڭگەگە دەيىن بولدى.
كەيبىر شەكتى ماندەردىڭ وزگەرۋى ولاردى ەسەپتەۋ كەزىندە جىل سايىن يندەكستەلەتىن ەڭ تومەنگى جالاقى، ەڭ تومەنگى زەينەتاقى، ەڭ تومەنگى كۇنكورىس دەڭگەيى سياقتى الەۋمەتتىك كورسەتكىشتەردىڭ ەسكەرىلۋىمەن تۇسىندىرىلەدى.
2023-جىلعا ەڭ تومەنگى جالاقى 70 مىڭ تەڭگەنى، ەڭ تومەنگى زەينەتاقى 53076 تەڭگەنى، مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى 24341 تەڭگەنى، ەڭ تومەنگى كۇنكورىس دەڭگەيى 40567 تەڭگەنى قۇرايدى دەپ كوزدەلگەن. شەكتى ماندەردى ەسەپتەۋ كەزىندە ەسكەرىلەتىن باسقا دا الەۋمەتتىك ماڭىزدى كورسەتكىشتەردىڭ دە مولشەرى كوتەرىلدى.
