قاڭتار وقيعاسى: پرەزيدەنت رەزيدەنتسياسىنا جانە اكىمدىككە شابۋىل جاساعاندارعا سوت ۇكىمى شىقتى
سوت ك، ا، ك، ۆ جانە ت ەسىمدى ازاماتتاردىڭ 2022-جىلى 4-5- قاڭتار ارالىعىندا جاپپاي تارتىپسىزدىككە قاتىسىپ، عيماراتتار مەن قۇرىلىستارعا شابۋىل جاساعانىن انىقتادى.
سونداي-اق بەس سوتتالۋشى دا تارتىپسىزدىككە قاتىسۋ كەزىندە قازا تاپقان.
قازاقستان رەسپۋبليكاسى قىلمىستىق كودەكسىنىڭ 272-بابىنىڭ 2-بولىگى بويىنشا 3 جىلدان 8 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلعان، 269-باپتىڭ 2-بولىگى بويىنشا 7 جىلدان 12 جىلعا دەيىن سوتتاپ، مۇلكىن تاركىلەۋ جازاسى كوزدەلگەن.
«سوتتالۋشىلاردىڭ كىناسى الىنعان بەينەجازبالارمەن، كۋالاردىڭ جانە تۋىستارىنىڭ تانۋ تۋرالى حاتتاماسىمەن، جۇرگىزىلگەن سوت-مەديتسينالىق ساراپتاما جانە ۇيالى تەلەفون مالىمەتتەرىمەن، جابىرلەنۋشىلەردىڭ الماتى قالاسى اكىمدىگىنە جانە پرەزيدەنت رەزيدەنتسياسىنا شابۋىل جاساعان جانە قارۋ قولدانعانى تۋرالى جاۋاپتارمەن راستالدى»، - دەپ حابارلادى قالالىق سوتتان.
ۆەدومستۆو مالىمەتىنشە، اتالعان قىلمىستىق ءىستىڭ قاراستىرىلۋىنىڭ سەبەبى - سوتتالۋشىلاردىڭ زاڭدى وكىلدەرى قىلمىستىق ءىستى ق ر ق پ ك 35-بابى 1-بولىگى 11-تارماعى بويىنشا قىسقارتۋعا قارسى بولعان.
«سوتتالۋشىلار كىنالى دەپ تانىلىپ، قىلمىستىق-پروتسەستىك كودەكستىڭ 35-بابى 1-بولىگى 11-تارماعى نەگىزىندە قىلمىستىق جاۋاپكەرشىلىكتەن بوساتىلدى»، - دەپ اتاپ ءوتتى سوت وكىلدەرى.
سوت ۇكىمى زاڭدى كۇشىنە ەنگەن جوق.
