21:42, 10 - مامىر 2023 | GMT +5
الماتى وبلىسىندا ءبۇتىن ءبىر وتباسىنان ايىرىلعان ايەلدىڭ جاعدايى بەلگىلى بولدى
قونايەۆ. قازاقپارات - الماتى وبلىسىندا ءبۇتىن ءبىر وتباسىنان ايىرىلعان ايەلدىڭ جاعدايى بەلگىلى بولدى. جالعىز ءتىرى قالعان ناۋقاستىڭ دەنساۋلىعى جاقسارىپ كەلەدى، دەپ حابارلايدى قازاقپارات ءتىلشىسى.
«4- مامىر كۇنى 1985-جىلعى ناۋقاس قاراساي اۋداندىق كوپسالالى اۋرۋحاناسىنا ءتۇستى. جاعدايى وتە اۋىر بولدى. جۇرگىزىلگەن ەمنىڭ ناتيجەسىندە ايەلدىڭ جاعدايى جاقسارىپ كەلەدى. جانساقتاۋدان جالپى بولىمشەگە اۋىستىرۋ جوسپارلانۋدا»، - دەلىنگەن الماتى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حابارلاماسىندا.
ەسكە سالا كەتەيىك، بۇعان دەيىن ءبۇتىن ءبىر وتباسىنىڭ 5 مۇشەسى بەلگىسىز زاتتان ۋلانىپ، قايتىس بولعانىن حابارلاعان بولاتىنبىز. مەرت بولعانداردىڭ ىشىندە اكەسى جانە 4 بالاسى بار. ال جالعىز امان قالعان بالالاردىڭ اناسى قازىر اۋرۋحانادا جاتىر.
