بوكستان الەم چەمپيوناتى: سەرىك تەمىرجانوۆ جارتىلاي فينالعا شىعا المادى

استانا. قازاقپارات - تاشكەنت قالاسىندا بوكستان ەرلەر اراسىندا ءوتىپ جاتقان الەم چەمپيوناتىندا سەرىك تەمىرجانوۆ جارتىلاي فينالعا شىعا المادى، دەپ حابارلايدى قازاقپارات ءتىلشىسى.

بەلگرادتا 2021-جىلى وتكەن الەم چەمپيوناتىنىڭ كۇمىس جۇلدەگەرى س. تەمىرجانوۆ 57 كەلىگە دەيىنگى سالماقتا كۋبالىق، 21 جاستاعى سايدەل ورتامەن جۇدىرىقتاستى.

ءبىرىنشى راۋندتا تورەشىلەردىڭ تورتەۋى ۇپايدى كۋبالىققا بەردى. ەكىنشى كەزەڭدە سەرىك ورتا باسىمدىقتى كۇشەيتتى. جەكپە-جەك سوڭىندا س. تەمىرجانوۆ ءتىپتى ەسكەرتۋ الدى. ەسەپ 5:0، كۋبالىق سپورتشىنىڭ پايداسىندا.

بۇگىن شيرەك فينالدا قازاقستاندىق تاعى التى بوكسشى رينگكە شىعادى.

ەسكە سالا كەتەيىك، بۇدان بۇرىن بوكستان ۇلتتىق قۇراما كاپيتانى اسلانبەك شىمبەرگەنوۆتىڭ شيرەك فينالعا شىققانىن جازعان ەدىك.

سونداي-اق نۇربەك ورالباي مەن ماحمۇد سابىرحان شيرەك فينالعا جولداما الدى.

قىتاي قۇراماسىنداعى قازاق بوكسشىسى الەم چەمپيوناتىندا قارسىلاسىن نوكاۋتپەن ۇتتى.

دۋلات بەكباۋوۆ شيرەك فينالعا ءوتتى، ال نۇرقانات رايىس شيرەك فينالعا شىعا المادى.