17:30, 10 - مامىر 2023 | GMT +5
الماتىدا قۇمار ويىن ۇيىمداستىرۋشىلار ۇستالدى
الماتى. قازاقپارات - الماتىدا ستاۆكالارى مەن اقشالاي ۇتىستاردى كوزدەيتىن قۇمار ويىن (استىرتىن كازينو) تۇرىندەگى زاڭسىز ويىن بيزنەسىن ۇيىمداستىرۋ ارەكەتىنىڭ جولى كەسىلدى، دەپ حابارلايدى قازاقپارات.
ق م ا الماتى قالاسى بويىنشا دەپارتامەنتى جۇرگىزگەن ءتىنتۋ بارىسىندا ويىن كارتالارى مەن فيشكالار، ۇستەل جاپقىشى (ماتا)، ويىنشىلاردان ۇيىمداستىرۋشىلاردىڭ ءبىرىنىڭ كارتوچكالىق شوتىنا اۋدارىلعان قاراجات تابىلىپ، تاركىلەندى.
«ويىن وتەتىن كۇنى ۇيىمداستىرۋشىلار ويىن تۋرالى SMS جىبەرىپ، ويىنشىلاردى جابىق ءتىزىم بويىنشا شاقىراتىنى، ديلەرلەر مەن داياشىلاردى جۇمىسقا تارتاتىنى انىقتالدى. قازىرگى ۋاقىتتا سوتقا دەيىنگى تەرگەۋ اياقتالىپ، ءىس سوتقا جولداندى»، - دەپ جازدى دەپارتامەنتتەن.
ق ر ق پ ك 201-بابىنا سايكەس وزگە مالىمەتتەر جاريا ەتىلمەيدى.
