ۆاكسينا العان جۇرگىزۋشىنىڭ كوبى جول اپاتىنا ۇشىرايتىنى راس پا؟
ءبىراق ولاردىڭ قازاسىنا ەكپەنىڭ قاتىسى بارى انىقتالمادى، - دەپ حابارلايدى Stopfake.kz.
حابارلامادا بالالاردى تاسىمالدايتىن اۆتوبۋس جۇرگىزۋشىلەرى وزدەرىن كەنەتتەن ناشار سەزىنگەن 9 جاعداي سيپاتتالعان. ولاردىڭ ءارقايسىسىنا قىسقاشا توقتالايىق.
2023-جىلعى 26- ساۋىردە ميچيگان شتاتىندا مەكتەپ اۆتوبۋسىنىڭ جۇرگىزۋشىسى كولىك جۇرگىزىپ كەلە جاتىپ، ءوزىن جايسىز سەزىنگەن. وعان 7-سىنىپ وقۋشىسى كومەكتەسكەن. ول ءرولدى ۇستاپ، كولىكتى توقتاتىپ، كومەككە شاقىرعان. بۇل رەتتە جاڭالىقتاردا جۇرگىزۋشىگە ناقتى نە بولعانى، ونىڭ ەكپە العانى جانە انامنەزىندە ۇستامانى قوزدىراتىن قانداي دا ءبىر اۋرۋلار بولعانى تۋرالى ايتىلمايدى.
2023-جىلعى 30- ناۋرىزدا پورتۋگاليانىڭ سەرتاوزينو قالاسىندا 51 جاستاعى جۇرگىزۋشى مەكتەپ اۆتوبۋسىن جۇرگىزىپ كەلە جاتىپ كوز جۇمعان. ونىڭ جۇرەگى توقتاپ قالعان. وقۋشىلار اۆتوبۋستى جولدىڭ جيەگىنە توقتاتىپ، كومەككە شاقىرعان، ءبىراق ولار جۇرگىزۋشىنى قۇتقارا المادى. ايتا كەتەيىك، اقپاراتتا جۇرگىزۋشىنىڭ قانداي دا ءبىر اۋرۋمەن اۋىرعانى نەمەسە COVID-19-عا قارسى ەكپە العانى تۋرالى ايتىلماعان.
2023-جىلعى 25- ساۋىردە كاليفورنيادا مەكتەپ اۆتوبۋسى اعاشقا سوعىلعان. بۇل كەزدە كولىكتە ءبىر وقۋشى مەن ءبىر مۇعالىم بولعان. وقيعا سالدارىنان ولار زارداپ شەككەن جوق. جاريالانىمدا جۇرگىزۋشىگە شۇعىل كومەك قاجەت بولدى، ءبىراق اپاتقا دەيىن بە، الدە وقيعادان كەيىن بە، بەلگىسىز. جۇرگىزۋشىنىڭ ۆاكسيناتسيالانۋ مارتەبەسى دە كورسەتىلمەگەن.
2023-جىلعى 6- ناۋرىزدا يتاليادا بالالاردى ەكسكۋرسياعا اپارا جاتقان اۆتوبۋس اپاتقا ۇشىراعان. اياق استىنان جۇرگىزۋشىنىڭ جاعدايى ناشارلاپ، ول كولىكتى باسقارا الماي قالادى. سالونداعى مۇعالىمدەر اۆتوبۋستى توقتاتىپ، بالالاردى سىرتقا شىعارعان. جۇرگىزۋشىنە ناقتى نە بولعانى جانە ونىڭ ۆاكسيناتسيالانعانى تۋرالى اقپارات ەش جەردە جوق.
2023-جىلعى 7- ناۋرىزدا جۇرگىزۋشى مەكتەپ جانىندا تۇرعان اۆتوبۋستا قازا بولدى. ونىڭ اۋىرعان-اۋىرماعانى بەلگىسىز. ونىڭ ۆاكسيناتسيا مارتەبەسى دە كوپشىلىككە جاريا ەتىلمەدى.
بيىل 25- قاڭتاردا يتاليادا مەكتەپ اۆتوبۋسىنىڭ جۇرگىزۋشىسى كولىك جۇرگىزىپ كەلە جاتىپ قازا بولدى. بۇل كەزدە اۆتوبۋستا بالالار بولماعان. ب ا ق- تىڭ مالىمەتىنشە، 63 جاستاعى جۇرگىزۋشىنىڭ ارىپتەستەرى مارقۇمنىڭ سوزىلمالى اۋرۋلارى بولعانىن بىلمەگەن.
2023-جىلعى 4- ناۋرىزدا فرانسيادا بالالاردى قالا سىرتىنداعى لاگەردەن الىپ كەلە جاتقان اۆتوبۋس جولدان شىعىپ كەتكەن. وقيعانىڭ ناقتى سەبەبى بەلگىسىز، الايدا بۇقارالىق اقپارات قۇرالدارىندا جولدىڭ بۇل بولىگى وتە قاۋىپتى جانە اپاتتار ءجيى بولاتىنى حابارلاندى. وقيعا سالدارىنان ادام شىعىنى دا بولعان.
2022-جىلعى جەلتوقساندا مەكتەپ اۆتوبۋسىن جۇرگىزىپ كەلە جاتقان 72 جاستاعى ايەلدىڭ جۇرەگى ۇستاپ قالعان. كەيىن ول سول كۇنى تاڭەرتەڭنەن ءوزىن ناشار سەزىنگەنىن ايتقان، ءبىراق ينفاركت بەلگىلەرىن بايقاماعان، ول اۋىرعانىنا قاراماستان، كولىك باسقارعان. ونىڭ ۆاكسيناتسيا مارتەبەسى دە جاريا ەتىلگەن جوق.
قورىتا ايتقاندا، توپتامادا كەلتىرىلگەن بىردە-ءبىر جاعداي COVID-19 قارسى ۆاكسيناتسيامەن بايلانىستى ەمەس. بۇل جۇرگىزۋشىلەردىڭ كەمىندە بىرەۋى ەكپە العان نەمەسە ۆاكسيناتسيادان جاناما اسەرلەر بولعان دەپ ايتۋعا دەرەكتەر جوق. سونداي-اق، عىلىمي زەرتتەۋلەردىڭ ناتيجەلەرى ينفاركتتىڭ بولۋ جيىلىگى ۆاكسيناتسيالانعان جانە ۆاكسيناتسيالانباعان ادامدار اراسىندا ەرەكشەلەنبەيتىنىن كورسەتەتىنىن اتاپ وتكەن ءجون. ونىڭ ۇستىنە، COVID-19 قارسى ۆاكسينالار جۇرەك-قان تامىرلارى اۋرۋلارىنىڭ دامۋ قاۋپىن ارتتىرمايدى.
دەمەك تارالعان اقپارات - ءوزارا بايلانىستى ەمەس فاكتىلەردىڭ مانيپۋلياتيۆ توپتاماسى.
