انتيكور الماتى وبلىسىنىڭ سۋدياسى مەن م ك د قىزمەتكەرىنە قاتىستى تەرگەۋ جۇرگىزۋدە

قونايەۆ. قازاقپارات - الماتى وبلىسى بويىنشا سىبايلاس جەمقورلىققا قارسى قىزمەت مامانداندىرىلعان اۋدانارالىق ەكونوميكالىق وبلىستىق سوتتىڭ سۋدياسىنا جانە الماتى وبلىسى مەملەكەتتىك كىرىستەر دەپارتامەنتى بولىمشەسىنىڭ قىزمەتكەرىنە قاتىستى سوتقا دەيىنگى تەرگەۋ جۇرگىزۋدە، - دەپ حابارلايدى قازاقپارات ءتىلشىسى.

«سۋديا مەملەكەت الدىندا سالىق بەرەشەگى بار 2 كاسىپورىندى بانكروت دەپ تانۋ تۋرالى ازاماتتىق ىستەر بويىنشا شەشىم شىعارعانى ءۇشىن سالىق ورگانى قىزمەتكەرىنىڭ دەلدالدىعىمەن پارا الدى دەپ كۇدىكتەنەدى»، - دەلىنگەن سىبايلاس جەمقورلىققا قارسى ءىس- قيمىل اگەنتتىگىنىڭ الماتى وبلىسى بويىنشا دەپارتامەنتى باسپا ءسوز قىزمەتىنىڭ حابارلاماسىندا.

ق پ ك- ءنىڭ 201-بابىنا سايكەس تەرگەۋ مۇددەسى ءۇشىن وزگە اقپارات جاريا ەتۋگە جاتپايدى.

كونستيتۋتسيانىڭ 77-بابى 3-تارماعىنىڭ 1 -تارماقشاسىنا جانە قىلمىستىق- پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىنا سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءارقايسىسى كىناسىز دەپ ەسەپتەلەدى.