تابيعات ەرلەرگە رەڭ اجىراتۋ مۇمکىندىگىن بەرمەگەن

استانا. قازاقپارات- تۇستەردىڭ ءار الۋان رەڭدەرىن اجىراتۋ ادامنىڭ جىنىس ەرەکشەلىکتەرىنە تاۋەلدى ەکەن.

نيۋ-يورک قالالىق ۋنيۆەرسيتەتىنىڭ ماماندارى ەر ادامداردىڭ تابيعاتىنان تۇستەردى ناشار ايىراتىنىن انىقتادى.

پروفەسسور يزرايل ابراموۆ باستاعان زەرتتەۋشىلەر ءبىر توپ ادامنىڭ ءتۇرلى رەڭدردى اجىراتۋىن باقىلاعان. سونىڭ ناتيجەسىندە ەر ادامداردىڭ تۇستەردىڭ ءار الۋان رەڭدەرىن تاپ باسىپ ايقىنداي المايتىنى انىقتالدى. ايەلدەر ءتۇرلى تۇستەردىڭ ىشىندەگى ەلەۋسىز شىرايلاردىڭ ءوزىن بايقاپ قويادى ەکەن. ال ەرلەر ءۇشىن کوک-جاسىل ءتۇس پەن جاسىل-کوک ءتۇستىڭ ايىرماسى جوق.

بوياۋلار رەڭىن اجىراتۋ ءۇشىن ەرلەرگە ولاردىڭ کوزگە مەيلىنشە ءىرى جولاقپەن کورىنگەنى کەرەک. عالىمداردىڭ ايتۋىنشا، ەرلەر ميىنىڭ کورۋ قابىلەتىنە جاۋاپتى بولىگىندە نەيروندار ايەلدەردىکىنە قاراعاندا، % 25-عا کوپ. سول سەبەپتى ولارعا ءبىر ءتۇستىڭ ءارتۇرلى رەڭىن اجىراتقاننان گورى شاپشاڭ قوزعالىستاردى قالت جىبەرمەي بايقاۋ وڭاي.