10:23, 10 - مامىر 2023 | GMT +5
وزبەكستاندا بيبوسىنوۆتىڭ داۋلى جەكپە-جەگىنە قاتىستى پىكىر ايتىلدى
استانا. قازاقپارات - وزبەكستاندىق Sports.uz سايتى قازاقستاندىق ساكەن بيبوسىنوۆ پەن ءۇندىستاندىق ديپاك كۋمار اراسىنداعى ءا چ-دە وتكەن جەكپە-جەككە قاتىستى پىكىر ءبىلدىردى، - دەپ حابارلايدى Vesti.kz.
بوكسشىلار 51 كەلىدەگى 1/16 فينالدىق ايقاستا كەزدەستى. ءۇش راۋند قورىتىندىسى بويىنشا تورەشىلەر جەڭىستى ديپاكقا بەردى. بۇعان قاتىستى قازاقستان بوكس فەدەراتسياسى IBA-عا شاعىم ءتۇسىردى، الايدا وزگەرىس بولعان جوق.
«تەڭدەي ايقاس، ءبىراق، ديپاك جەڭىسكە جەتتى، قۇتتىقتايمىز!» - دەپ جازىپتى باسىلىم.
ەسكە سالايىق، بۇعان دەيىن ساكەن بيبوسىنوۆ الەم چەمپيوناتىندا ءۇندى بوكسشىسىنان جەڭىلىپ قالعانى حابارلانعان ەدى. كەيىنىرەك قازاقستان بوكس فەدەراتسياسى شاعىم ءتۇسىردى.
