رەسپۋبليكانىڭ باسىم بولىگىندە جەل كۇشەيىپ، تۇمان تۇسەدى - قازگيدرومەت
كاسىپورىن تاراتقان دەرەكتەرگە قاراعاندا، قازاقستاننىڭ باتىسىندا، سولتۇستىك- باتىسىندا، سولتۇستىگىندە سيكلون جىراسى جانە ونىمەن بايلانىستى فرونتالدى بولىكتەردىڭ وتۋىنە وراي نايزاعاي ويناپ، جاڭبىر جاۋادى، سولتۇستىك- باتىستا كەي ۋاقىتتا قاتتى جاڭبىر جاۋادى.
ەلىمىزدىڭ قالعان ايماقتارىندا كۇن جاۋىن- شاشىنسىز. رەسپۋبليكا بويىنشا جەل كۇشەيەدى، سولتۇستىكتە تۇندە جانە تاڭەرتەڭ تۇمان تۇسەدى، كۇندىز رەسپۋبليكامىزدىڭ سولتۇستىك- باتىسىندا بۇرشاق جاۋادى.
تۇندە اقتوبە وبلىسىنىڭ باتىسىندا، سولتۇستىگىندە، كۇندىز قوستاناي وبلىسىنىڭ ورتالىعىندا، سولتۇستىگىندە قاتتى جاڭبىر جاۋادى. تۇندە قوستاناي وبلىسىنىڭ سولتۇستىگىندە، سولتۇستىك قازاقستان وبلىسىنىڭ سولتۇستىك- باتىسىندا توپىراق بەتىندە 2 گرادۋس ۇسىك جۇرەدى.
قوستاناي وبلىسىنىڭ ورتالىعىندا، وڭتۇستىگىندە جوعارعى ءورت قاۋىپى ساقتالادى. قىزىلوردا وبلىسىندا، تۇركىستان وبلىسىنىڭ سولتۇستىگىندە توتەنشە ءورت قاۋىپى ساقتالادى.
