بوكستان ءا چ: نۇرقانات رايىس شيرەك فينالعا شىعا المادى

استانا. قازاقپارات - تاشكەنت قالاسىندا بوكستان ەرلەر اراسىندا ءوتىپ جاتقان الەم چەمپيوناتىندا كەشە قازاقستاندىقتاردان سوڭعى بولىپ رينگكە نۇرقانات رايىس شىقتى، دەپ حابارلايدى قازاقپارات ءتىلشىسى.

ازيا چەمپيوناتىنىڭ كۇمىس جۇلدەگەرى ن. رايىس 75 كەلىگە دەيىنگى سالماقتا 1/8 فينالدا برازيليالىق ۆاندەرلەي پەرەيرامەن كۇش سىناستى.

ءبىرىنشى راۋندتا بەس تورەشىنىڭ تورتەۋى برازيليالىق بوكسشى دالىرەك سوققى جۇمسادى دەپ تاپتى. ەكىنشى كەزەڭدە باسىمدىق تۇگەلدەي پەرەيراعا اۋدى. قورىتىندى ەسەپ - 5:0، برازيليالىق سپورتشى شيرەك فينالعا جولداما الدى.

وسىلايشا، بۇگىن رينگتە ونەر كورسەتكەن بەس قازاقستاندىق بوكسشىنىڭ تورتەۋى شيرەك فينالعا شىقتى.

الەم چەمپيوناتىنىڭ شيرەك فينالىندا بارلىعى جەتى قازاقستاندىق بوكسشى باق سىنايدى.

ەسكە سالا كەتەيىك، بۇدان بۇرىن بوكستان ۇلتتىق قۇراما كاپيتانى اسلانبەك شىمبەرگەنوۆتىڭ شيرەك فينالعا شىققانىن جازعان ەدىك.

سونداي-اق، نۇربەك ورالباي شيرەك فينالعا جولداما الدى.

ماحمۇد سابىرحان ەكىنشى جەڭىسىنە قول جەتكىزدى.

قىتاي قۇراماسىنداعى قازاق بوكسشىسى الەم چەمپيوناتىندا قارسىلاسىن نوكاۋتپەن ۇتتى.

دۋلات بەكباۋوۆ شيرەك فينالعا ءوتتى.