رەسەيدىڭ تۇمەن وبلىسىندا توتەنشە جاعداي جاريالاندى
ا. موور وبلىس تۇرعىندارىن ءورت قاۋىپسىزدىگى شارالارىن قاتاڭ ساقتاۋعا: ورمانعا شىعۋدان جانە پيكنيك ۇيىمداستىرۋدان باس تارتۋعا، ساياجايلاردا وت جاقپاۋعا شاقىردى.
ءتىلسىز جاۋ سالدارىنان رەچكينا كەنتى مەن بوگاندينسكي كەنتىندە، سونداي- اق تۇمەن وبلىسىنىڭ ءۇش باۋ-باقشا بىرلەستىگىندە 120 دان استام عيمارات ءبۇلىندى. بۇل تۋرالى توتەنشە جاعدايلار قىزمەتىنەن حابارلادى.
جالىنمەن كۇرەسكە رەسەي توتەنشە جاعدايلار مينيسترلىگىنىڭ يل-76 ۇشاعى مەن ءۇش تىكۇشاق جۇمىلدىرىلدى. اۆياتسيا ارقىلى بارلىعى 192 رەت، 1219 تونناعا جۋىق سۋ توگىلدى.
جەكسەنبىدە تۇمەن وبلىسىندا توعىز لاندشافتىق جانە ءۇش ورمان ءورتى ءسوندىرىلدى. جالىنمەن كۇرەس جۇرگىزۋدى قاتتى ەكپىندى جەل مەن ىستىق ءارى قۇرعاق اۋا رايى قيىنداتىپ جاتىر. جەتى ەلدى مەكەن تۇرعىندارى ءقاۋىپسىز جەرگە ەۆاكۋاتسيالاناتىنى جاريالاندى.
