سانجار تاشكەنباي تاشكەنتتە وزبەكستاندىق بوكسشىنى نوكداۋنمەن جەڭدى

استانا. قازاقپارات - تاشكەنت قالاسىندا بوكستان ەرلەر اراسىندا ءوتىپ جاتقان الەم چەمپيوناتىندا قازاقستاندىق سانجار تاشكەنباي وزبەكستاندىق بوكسشىنى نوكداۋنمەن جەڭدى، دەپ حابارلايدى قازاقپارات ءتىلشىسى.

جاستار اراسىندا الەم چەمپيونى، 19 جاستاعى س. تاشكەنباي 48 كەلىگە دەيىنگى سالماقتا وزىنەن ءبىر جاس ۇلكەن وزبەكستاندىق شوديورجون مەليكۋزيەۆپەن شەبەرلىك بايقاستى.

وسىعان دەيىن قارسىلاستار ءبىر-اق رەت كەزدەسىپ، 22 جاسقا دەيىنگىلەر اراسىندا ازيا چەمپيوناتىنىڭ فينالىندا سانجار باسىم تۇسكەن ەدى.

بۇل جولى ءبىرىنشى راۋندتا تورەشىلەردىڭ ۇشەۋى قازاقستاندىق بوكسشىنى باسىم دەپ تاپتى. ەكىنشى كەزەڭ سوڭىندا سانجار قارسىلاسىن نوكداۋنعا جىبەردى. جەكپە-جەك قورىتىندىسىندا تورەشىلەر جەڭىستى قازاق بوكسشىسىنا بەردى - 4:1.

س. تاشكەنبايدىڭ كەلەسى قارسىلاسى - جاپونيالىق اراتاكە كازۋما. وتكەن جىلى سانجار ونى ەرەسەكتەر اراسىندا ازيا چەمپيوناتىنىڭ فينالىندا ۇتقان بولاتىن.

ەسكە سالا كەتەيىك، بۇدان بۇرىن بوكستان الەم چەمپيوناتىندا قازاقستان قۇراماسىنان ءۇشىنشى بولىپ قامشىبەك قوڭقابايەۆتىڭ شيرەك فينالعا وتكەنىن جازعان ەدىك.

سونداي-اق، قىتاي قازاعى بوكستان الەم چەمپيوناتىندا ەكىنشى رەت جەڭدى.

ال، ماحمۇد سابىرحان العاشقى جەڭىسىنە قول جەتكىزدى.