سۋدانداعى قاقتىعىس: تاراپتار كەلىسسوز ۇستەلىنە وتىردى
ديالوگتى ەر- رياد پەن ۆاشينگتون جۇرگىزۋگە تىرىسىپ جاتىر.
بۇعان دەيىن ولار اتىستى توقتاتۋعا شاقىرىپ، بىتىمگە كەلتىرگەن. ءبىراق تاراپتار بىرنەشە رەت كەلىسىمدى بۇزدى.
سۋدان اسكەرى جەتەكشىلەرى مەن جەدەل ارەكەت ەتۋ كۇشتەرى ءبىر- بىرىمەن كەلىسىمگە كەلمەيتىنىن مالىمدەگەن.
تاراپتار قيىنداپ بارا جاتقان گۋمانيتارلىق جاعدايدى تالقىلاۋعا عانا كەلىستى.
«ءبىز كۇنىنە ءۇش اۋىسىممەن جۇمىس ىستەيمىز، جەدەل جاردەم كولىگىنەن باستاپ اۋرۋحاناعا جەتكىزەتىن كولىككە دەيىن قاجەتتىنىڭ ءبارىن ۇسىنامىز. زارداپ شەككەندەر كوپ»، - دەيدى قىزىل جارتى اي نۇسقاۋشىسى مۇحامەد يبراگيم مۇحامەد.
اسكەري قولباسشىلىق پەن جەدەل ارەكەت ەتۋ كۇشتەرى اسكەري توبى اراسىنداعى جانجال ءساۋىردىڭ ورتاسىندا قارۋلى قاقتىعىسقا ۇلاستى.
دارىگەرلەر كاسىپوداعىنىڭ مالىمەتى بويىنشا، قاقتىعىس سالدارىنان 400 دەن استام بەيبىت تۇرعىن ولتىرىلگەن.
