تۇران داڭعىلىنىڭ ءبىر بولىگى ۋاقىتشا جابىلادى

استانا. قازاقپارات - تۇران داڭعىلىنىڭ ءبىر بولىگى جوندەۋ جۇمىستارىنا بايلانىستى 6-12-مامىر ارالىعىندا جابىق بولادى، دەپ حابارلايدى قازاقپارات استانا قالاسى اكىمدىگىنىڭ رەسمي سايتىنا سىلتەمە جاساپ.

ەلوردالىق كولىك جانە جول- كولىك ينفراقۇرىلىمىن دامىتۋ باسقارماسى تۇران داڭعىلىندا ورتاشا جوندەۋ جۇمىسىن جۇرگىزۋدى جوسپارلاپ وتىر. وسىعان بايلانىستى 6-12-مامىر ارالىعىندا بۇقار جىراۋ كوشەسىنەن ورىنبور كوشەسىنە دەيىنگى ۋچاسكەدە كولىك قۇرالدارى ءۇشىن ەكى جاقتى قوزعالىس تولىعىمەن جابىلادى.

جول قوزعالىسى قاۋىپسىزدىگىن قامتاماسىز ەتۋ ماقساتىندا بۇل شارا استانا قالاسى پ د اكىمشىلىك پوليتسيا باسقارماسىمەن كەلىسىلدى.

ەلوردا تۇرعىندارى مەن قوناقتارى جولداردا كەپتەلىس بولدىرماۋ ءۇشىن قوزعالىس باعىتىن الدىن الا جوسپارلاۋى قاجەت.