10:21, 06 - مامىر 2023 | GMT +5
كوشەدە پىشاقپەن جۇرگەن پاۆلودار تۇرعىنى ۇستالدى
پاۆلودار. قازاقپارات - پاۆلودار پوليتسياسى قولىنا پىشاق الىپ، كوشە كەزگەن ەر ادامدى ۇستادى، دەپ حابارلايدى قازاقپارات.
6 -مامىردا پاۆلودار قالاسىنىڭ پوليتسياسىنا اكادەميك ساتبايەۆ كوشەسىندەگى ساۋدا ءۇيىنىڭ جانىندا ەر ادام پىشاقپەن جۇرگەنى تۋرالى حابارلاما ءتۇستى.
بۇل فاكتى پاۆلودار قالاسىنىڭ سولتۇستىك پوليتسيا بولىمىندە تىركەلدى.
كورسەتىلگەن مەكەنجايعا دەرەۋ تۇردە اۆتوپاترۋلدەر مەن تەرگەۋ- جەدەل توبى جىبەرىلدى.
39 جاستاعى ەر ادام ۇستالىپ، جەكە باسى انىقتالدى. قولىنداعى اس ءۇي پىشاعى تاركىلەندى»، - دەلىنگەن مالىمەتتە.
پوليتسيا قىزمەتكەرلەرى مەديتسينالىق كۋالاندىرۋ جاساۋ ءۇشىن ەر ادامدى دەنساۋلىق ساقتاۋ مەكەمەسىنە جەتكىزدى.
«ناتيجەسىندە، ەر ادام ماس كۇيىندە بولعانى انىقتالدى. پوليتسيا ەر ادامدى ۋاقىتشا بەيىمدەۋ جانە دەتوكسيكاتسيا ورتالىعىنا اپاردى. پوليتسيا تەكسەرۋ جۇرگىزىپ جاتىر»، - دەلىنگەن ۇسىنىلعان حابارلامادا.
