ەلوردادا سيرەك كەزدەسەتىن وسىمدىكتەرگە قاتىستى جاۋاپكەرشىلىك كۇشەيتىلدى
بۇل تۋرالى استانا قالاسى قورشاعان ورتانى قورعاۋ جانە تابيعاتتى پايدالانۋ باسقارماسىنىڭ باسشىسى ءاليا قوجابايەۆا ءمالىم ەتتى، دەپ حابارلايدى قازاقپارات ءتىلشىسى.
بۇگىن باسقارما باسشىسى قوعامدىق كەڭەس وتىرىسىندا «استانا قالاسىنىڭ اۋماعىندا جاسىل جەلەكتەردى قۇرۋ، كۇتىپ- ۇستاۋ جانە قورعاۋ قاعيدالارىن بەكىتۋ تۋرالى» جوبا ءماسليحات قاراۋىنا ۇسىنىلاتىنىن ايتتى.
ونىڭ ايتۋىنشا، اتالعان جوبا «جەرگىلىكتى مەملەكەتتىك باسقارۋ تۋرالى» زاڭعا جانە ەكولوگيا، گەولوگيا جانە تابيعي رەسۋرستار ءمينيسترىنىڭ بۇيرىعىمەن بەكىتىلگەن ەلدى مەكەندەردى جاسىل جەلەكتەردى قۇرۋدىڭ، كۇتىپ - ۇستاۋدىڭ جانە قورعاۋدىڭ ۇلگىلىك قاعيدالارىنا سايكەس ازىرلەندى.
«وسى ىسكە بۇعان دەيىن يندۋستريا جانە ينفراقۇرىلىمدىق دامۋ مينيسترلىگى جاۋاپتى بولعان. وتكەن جىلدان باستاپ اتالعان فۋنكتسيا ەكولوگيا مينيسترلىگىنە بەرىلدى. جاڭا جوبا تالاپتارىنا كەلسەك، جاسىل جەلەكتى دامىتۋدى عىلىمي ۇيىمداردىڭ ۇسىنىمدارى نەگىزىندە ەلوردانىڭ اۋداندىق اكىمدىك اپپاراتتارى جۇزەگە اسىرادى. سونداي- اق، استانا قالاسىنىڭ باس جوسپارىنا سايكەس كوگالداندىرۋ وبەكتىلەرى ورتاق پايدالانىلاتىن جەرلەردە قۇرىلادى دەگەن تولىقتىرۋ ەنگىزىلدى»، - دەدى ءاليا قوجايەۆا قوعامدىق كەڭەس وتىرىسىندا.
باسقارما باسشىسى ايتقان تاعى ءبىر جاڭاشىلدىق، كوگالداردا اۆتوكولىكتى قويۋعا تىيىم سالىندى.
«سول سياقتى سيرەك كەزدەسەتىن جانە جويىلىپ كەتۋ قاۋپى بار وسىمدىكتەر مەن جاسىل جەلەكتەردى كەسۋگە ۋاكىلەتتى ورگاننىڭ رۇقسات بەرۋىنە تىيىم سالىندى. وسىلايشا اعاش جانە وسىمدىك تۇرلەرىن زاڭسىز كەسۋ، ولاردى ترانسپلانتاتسيالاۋ بويىنشا جاۋاپكەرشىلىك كۇشەيتىلدى»، - دەيدى ول.
سونداي- اق، ەلوردانى كوگالداندىرۋ جوباسى «اشىق ن ق ا» پورتالىندا قوعام تالقىسىنان وتكەن.
بۇعان دەيىن حابارلاعانىمىزداي قوعامدىق كەڭەس اقىلى اۆتوتۇراقتار ماسەلەسىن دە كوتەردى. تالقىلاۋ بارىسىندا استانادا اقىلى اۆتوتۇراقتاردىڭ كىرىسىنىڭ تەك %5 عانا بيۋدجەتكە تۇسەتىنى بەلگىلى بولدى.
