قازاقستاندا شەكارا قاۋىپسىزدىگىنە قاتىستى جاڭا قۇجاتتى دايىنداۋ ماسەلەسى پىسىقتالىپ جاتىر
بۇل تۋرالى ەلوردادا بۇكىلارميالىق كەڭەستىڭ وتىرىسىندا ق ر ۇ ق ك ءتوراعاسىنىڭ ورىنباسارى - شەكارا قىزمەتىنىڭ ديرەكتورى، گەنەرال- مايور ەرلان الداجۇمانوۆ ايتتى، دەپ حابارلايدى قازاقپارات ءتىلشىسى.
«ۋشىعىپ كەلە جاتقان گەوساياسي شيەلەنىس پەن گيبريدتى قاقتىعىستاردىڭ تارالۋى جاڭا سىن- قاتەرلەرگە الىپ كەلەۋى مۇمكىن. بۇل جاعداي شەكارا قاۋىپسىزدىگىن نىعايتۋ بويىنشا كەشەندى ءىس- شارا قابىلداۋعا مىندەتتەيدى. وسىعان ورايدا شەكارا قاۋىپسىزدىگىن قامتاماسىز ەتۋ تۇرعىسىندا جاڭا باعدارلامالىق قۇجاتتى دايىنداۋ ماسەلەسىن پىسىقتاپ جاتىرمىز» ، - دەدى ەرلان الداجۇمانوۆ.
ونىڭ ايتۋىنشا، بۇل قۇجاتتى جۇزەگە اسىرۋ شەكارالىق اۋماقتا ۇلتتىق مۇددەنى قورعاۋ جۇيەسىن جاڭا دەڭگەيگە كوتەرىپ، شەكارا قىزمەتىنىڭ ودان ءارى دامۋىنا تىڭ سەرپىن بەرەدى.
بۇدان بۇرىن حابارلانعانداي، مەملەكەت باسشىسى قاسىم- جومارت توقايەۆتىڭ قاتىسۋىمەن وتەتىن بۇكىلارميالىق كەڭەستىڭ وتىرىسى باستالدى.
پرەزيدەنت وتاندىق قورعانىس ونەركاسىبىندە شىعارىلاتىن ونىمدەر قاتارىن كەڭەيتۋدى تاپسىردى.
شەكارا قىزمەتىنىڭ ديرەكتورى، گەنەرال- مايور ەرلان الداجۇمانوۆ شەكارانى كۇزەتۋدىڭ جاڭا تەحنيكالىق قۇرالدارى سىناقتان ءوتىپ جاتقانىن ايتتى.
