ەرەكشە قورعالاتىن اۋماقتارعا مال جايىپ، ءشوپ شاپقاندارعا سالىناتىن ايىپپۇل كولەمى ۇلعايدى

استانا. قازاقپارات - ەرەكشە قورعالاتىن اۋماقتاردا زاڭسىز ءشوپ شاپقان، مال جايعان جانە قوقىس تاستاعاندارعا سالىناتىن ايىپپۇل مولشەرلەرى ۇلعايتىلدى.

ب ا ق وكىلدەرىنىڭ قاتىسۋىمەن وتكەن بريفينگىدە ەكولوگيا مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى ءتوراعاسىنىڭ ورىنباسارى دانيار تۇرعامبايەۆ وسىلاي ءمالىم ەتتى، دەپ حابارلايدى قازاقپارات ءتىلشىسى.

«ەرەكشە قوعالاتىن تابيعي اۋماقتاردا ەكولوگيالىق جاۋاپكەرشىلىكتى ارتتىرۋ ماقساتىندا ق ر قىلمىستىق جانە اكىمشىلىك قۇقىق بۇزۋشىلىق تۋرالى كودەكستەرىنە وزگەرىستەر مەن تولىقتىرۋلار ەنگىزىلدى. اتاپ ايتقاندا، ەندى زاڭسىز ءشوپ شابۋ مەن مال جايۋ، ورماندى قالدىقتارمەن لاستاۋ، ەرەكشە قورعالاتىن تابيعي اۋماقتاردا بولۋ ءتارتىبىن بۇزۋ بويىنشا ايىپپۇل مولشەرلەرى ۇلعايتىلدى. سونداي- اق، سالىق كودەكسىنە ەرەكشە قورعالاتىن تابيعي اۋماقتارعا كىرۋى ءۇشىن اقىنى اۆتوكولىكتەردەن الۋ مۇمكىندىگىن كوزدەيتىن ءتيىستى وزگەرىستەر ەڭگىزىلدى»، - دەدى دانيار تۇرعامبايەۆ.

سپيكەر سوزىنشە، قازاقستان ب ۇ ۇ- نىڭ دامۋ باعدارلاماسىمەن بىرلەسىپ، تۋريستتىك قىزمەتتەر سالاسىنداعى ۇلتتىق ستاندارتتارعا ءبىرقاتار وزگەرىس ەنگىزىلىپ جاتىر. ول تابيعاتقا قارسى ادام قولىمەن جاسالاتىن ارەكەتتەردى ازايتۋعا ىقپال ەتپەك.

سونىمەن بىرگە، دانيار تۇرعامبايەۆ 2022 -جىلى ۇلتتىق پاركتەردىڭ اۋماعىندا ەرەجە بۇزعان ادامدارعا 640 ميلليون تەڭگە ايىپپۇل سالىنعانىن ايتتى.