پرەزيدەنت اسكەردەگى تەحنولوگيالىق جاڭعىرتۋعا قاتىستى تاپسىرما بەردى
«زاماناۋي قارۋ- جاراق پەن تەحنيكانىڭ، اسىرەسە، دالدىگى جوعارى قارۋ- جاراقتاردىڭ، ۇشقىشسىز ۇشاقتار مەن روبوتتىق جۇيەلەردىڭ ۇلەسىن ارتتىرۋ قاجەت. اسكەرلەردىڭ ۇتقىرلىعىن ارتتىرۋ ءۇشىن اسكەري- كولىك اۆياتسياسى مەن جاۋىنگەرلىك ماشينالار پاركىن ۇلعايتۋ كەرەك»، - دەدى قاسىم- جومارت توقايەۆ.
وسى ورايدا پرەزيدەنت ماڭىزدى مىندەت رەتىندە وزىق اقپاراتتىق جۇيەلەر مەن تەحنولوگيالاردى ەنگىزۋ قاجەت ەكەنىن ايتتى.
مەملەكەت باسشىسى شەشىم قابىلداۋ تيىمدىلىگىن ارتتىرۋعا جانە جاۋىنگەرلىك بولىمشەلەردىڭ الەۋەتىن ارتتىرۋعا ەرەكشە نازار اۋدارۋ كەرەك ەكەنىن اتاپ ءوتتى. بۇل ءوز كەزەگىندە اسكەرلەردى قولدانۋدىڭ تيىمدىلىگىن ادەۋىر ارتتىرۋعا مۇمكىندىك بەرەدى.
بۇدان بۇرىن حابارلانعانداي، مەملەكەت باسشىسى قاسىم- جومارت توقايەۆتىڭ قاتىسۋىمەن وتەتىن بۇكىلارميالىق كەڭەستىڭ وتىرىسى باستالدى.
قورعانىس ءمينيسترى رۋسلان جاقسىلىقوۆ 250 اسكەري قىزمەتشى افريكاداعى ميسسياعا دايىندالىپ جاتقانىن ايتتى.
