پرەزيدەنت: قۋاتتى ارميا - تۇراقتىلىق پەن تىنىشتىقتىڭ كەپىلى
«مەن سايلاۋ الدىنداعى باعدارلامادا قورعانىس سالاسىنىڭ باسىمدىقتارىنا ارنايى توقتالدىم. بارلىق ءىس- شارانى ۋاقىتىلى جانە ساپالى جۇزەگە اسىرۋ وتە ماڭىزدى. سوندىقتان ءبىرقاتار ناقتى جۇمىستى قولعا الۋىمىز كەرەك»، - دەدى پرەزيدەنت.
قاسىم- جومارت توقايەۆ كۇشتىك قۇرىلىمدار جاڭا تالاپقا ساي بولۋى قاجەتتىگىن باسا ايتتى.
«قازىر ارنايى وپەراتسيالار كۇشتەرىنىڭ قولباسشىلىعى قۇرىلدى. سونداي- اق دەسانتتىق- شابۋىلداۋشى اسكەردىڭ قارىم- قابىلەتىن ارتتىرۋ ءۇشىن ناقتى جۇمىس جۇرگىزىلىپ جاتىر. اۋماقتىق قورعانىستىڭ الەۋەتى كۇشەيتىلۋدە. ازاماتتىق قورعانىس بولىمشەلەرى قۇرىلىپ جاتىر. ارنايى جاساق بولىمدەرىن دامىتۋ ءىسى تىڭ قارقىنمەن جالعاسۋدا. وسى جۇمىستىڭ ءبارىن ۋاقتىلى اياقتاۋ كەرەك. ولار بىرتىندەپ قاجەتتى جابدىقتارمەن قامتاماسىز ەتىلۋگە ءتيىس. مەملەكەتتىك ورگانداردىڭ تىعىز قارىم- قاتىناستا بولۋى وتە ماڭىزدى. سوندا عانا ءبىز كەز كەلگەن قاۋىپ- قاتەرگە توتەپ بەرە الامىز. قۋاتتى ارميا - تۇراقتىلىق پەن تىنىشتىقتىڭ كەپىلى» ، - دەدى مەملەكەت باسشىسى.
وسىعان دەيىن پرەزيدەنت ارميانىڭ ەگەمەندىگىمىزدى قورعاۋعا ءاردايىم دايىن بولۋ قاجەتتىگىن ايتتى.
