ارميا ەگەمەندىگىمىزدى قورعاۋعا ءاردايىم دايىن بولۋى قاجەت - توقايەۆ
«قازاقستان بارلىق ەلدەرمەن دوستىق قاتىناس ورناتقان. ءبىزدىڭ ۇستانىم ايقىن. بارلىق ماسەلە حالىقارالىق قۇقىق اياسىندا، بىرىككەن ۇلتتار ۇيىمىنىڭ جارعىسىنا سايكەس شەشىلۋگە ءتيىس دەپ سانايمىز. الايدا، زامان كۇندە قۇبىلىپ جاتىر. مەملەكەتتەر ءوز مۇددەسىن قورعاۋ ءۇشىن ءجيى كۇش قولداناتىن بولدى. الەمدە جاپپاي قارۋلانۋ بەلەڭ الدى. «جاۋ جوق دەمە، جار استىندا» دەگەن ءسوز بار. قازىرگى كۇردەلى كەزەڭدە ارميانىڭ ءرولى كۇشەيە ءتۇستى» ، - دەدى پرەزيدەنت.
مەملەكەت باسشىسى ارميا ەگەمەندىگىمىزدى قورعاۋعا ءاردايىم دايىن بولۋ قاجەتتىگىن باسا اتاپ ءوتتى.
«ونىڭ كاسىبي دايىندىعى، زاماناۋي قارۋ- جاراقپەن، وزىق تەحنولوگيامەن جابدىقتالۋى باستى فاكتورعا اينالدى. اسكەردىڭ بىلىكتى بولۋى جانە ۇتقىرلىعى ۇرىس ناتيجەسىنە تىكەلەي اسەر ەتەدى. ارميا وسى تالاپقا ساي بولسا، ءوز مىندەتىن ويداعىداي اتقارادى. ءتۇرلى قاۋىپ- قاتەرگە تويتارىس بەرە الادى» ، - دەدى قاسىم- جومارت توقايەۆ.
