قازاقستاندىق فايتەر قايرات احمەتوۆتىڭ ريەۆانشى ا ق ش- تا وتەدى

استانا. قازاقپارات – 6- مامىر، سەنبى كۇنى تاڭەرتەڭ قازاقستاندىق فايتەر قايرات احمەتوۆ (26-2) برۋمفيلدە (ا ق ش، كولورادو) وتەتىن ارالاس جەكپە- جەكتەن One FC تۋرنيرىندە ونەر كورسەتەدى. بۇل تۋرالى قازاقپارات Sports.kz پورتالىنا سىلتەمە جاساپ حابارلايدى.

احمەتوۆتىڭ قارسىلاسى - اۆستراليالىق فايتەر رايس ماكلارەن (16-8) . جەكپە- جەك استانا ۋاقىتىمەن شامامەن 05:20 دا باستالادى.

بۇل قايرات احمەتوۆ پەن ريس ماكلارەن اراسىنداعى ەكىنشى جەكپە- جەك بولماق. ولار العاش رەت 2019 -جىلدىڭ ناۋرىز ايىندا جۇدىرىقتاسىپ، تورەشىلەردىڭ ءبىراۋىزدان قابىلداعان شەشىمىمەن قازاقستاندىق بوكسشى جەڭىسكە جەتتى. الداعى تۋرنيرگە كەلسەك، ونىڭ حەدلاينەرلەرى امەريكالىق فايتەر دەمەتريۋس دجونسون (24-4-1) مەن برازيليالىق ادريانو موراەس (20-4) بولادى.