كونسترۋكتور- كولىكتەردى قالاي زاڭداستىرۋعا بولادى - تىركەۋ ەرەجەسى بەكىتىلدى

استانا. قازاقپارات - قازاقستانعا قوسالقى بولشەك رەتىندە اكەلىنگەن كولىكتەردى تىركەۋ ەرەجەسى بەكىتىلدى.

وسى ورايدا، زاڭداستىرۋ تارتىپتەرىن ق ر ءى ءى م اكىمشىلىك پوليتسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى اراي كۋلكۋتايەۆا ءتۇسىندىرىپ بەردى، دەپ حابارلايدى قازاقپارات ءتىلشىسى.

«وسى جىلدىڭ باسىندا قازاقستاندىقتار ەل اۋماعىنا 2022 -جىلدىڭ 1-قىركۇيەگىنە دەيىن اكەلىنگەن شەتەلدىك كولىكتەردى زاڭداستىرۋعا مۇمكىندىك الدى. الايدا، كەيىبىر ازاماتتار رەسمي قۇجاتتاردىڭ بولماۋىنا بايلانىستى ەلگە قوسالقى بولشەك رەتىندە اكەلىنگەن اۆتوموبيلدەردى تىركەۋ كەزىندە قيىندىقتارعا تاپ بولدى. بۇل ماسەلەنى شەشۋ ءۇشىن ازاماتتارعا «كونسترۋكتورلاردى» زاڭداستىرۋعا جانە العاشقى تىركەۋدى جۇزەگە اسىرۋعا مۇمكىندىك بەرەتىن ەرەجەلەر جاسالدى. وسى جىلدىڭ 9-قاڭتارىنداعى №13 قاۋلىعا ەنگىزىلگەن وزگەرىستەرگە سايكەس، قازاقستانعا قوسالقى بولشەك تۇرىندە اكەلىنگەن جانە كەدەندىك تازارتۋدان وتپەگەن كولىكتەردى تىركەۋ تۋرالى كۋالىكتە مەنشىك قۇقىعىن وزگەرتۋگە تىيىم سالۋ جانە ءاۆتوموبيلدى تەك ەل اۋماعىندا پايدالانۋ تۋرالى جازبا كورسەتىلەدى»، - دەپ ءتۇسىندىردى اراي كۋلكۋتايەۆا.

ونىڭ ايتۋىنشا، شەت ەلدەردەن بولشەكتەپ اكەلىپ، ەلدە قۇرالعان كولىكتەردى تىركەۋ ءۇشىن 200 مىڭ تەڭگە تولەم الىنادى.

تىركەۋ ءۇشىن قاجەتتى قۇجاتتار ءتىزىمى:

1. ءوتىنىش

2. ىشكى ىستەر ورگاندارىنىڭ ۋاكىلەتتى ورگانى بەرگەن كولىك قۇرالىن تەكسەرۋ تۋرالى اكت

3. تەحينكالىق تەكسەرۋدەن وتكەنى تۋرالى دياگنوستيكالىق كارتا.

اراي كۋلكۋتايەۆانىڭ مالىمەتىنشە، كونسترۋكتور- كولىكتەردى زاڭداستىرۋ ءۇشىن وتىنىمدەردى ەكىنشى دەڭگەيلى بانكتەر نەمەسە egov.kz پورتالى ارقىلى بەرۋگە بولادى.

ەسكە سالايىق، بۇگىن ەلگە اكەلىنگەن كونسترۋكتور- اۆتوكولىكتەردى زاڭداستىرۋعا جانە باستاپقى تىركەۋدى جۇزەگە اسىرۋعا رۇقسات ەتەتىن ۇكىمەت قاۋلىسى شىقتى.