بۋرابايدا كازينو زاڭگەرى كوررۋپتسيا ءۇشىن سوتتالدى

استانا. قازاقپارات - اقمولا وبلىسىنىڭ بۋراباي اۋدانىندا كازينونىڭ زاڭگەرى پارا بەرگەنى ءۇشىن سوتتالدى، دەپ حابارلايدى قازاقپارات سىبايلاس جەمقورلىققا قارسى ءىس- قيمىل اگەنتتىگىنە سىلتەمە جاساپ.

«بيىلعى 2-مامىردا بۋراباي اۋداندىق سوتىنىڭ ۇكىمىمەن كازينونىڭ زاڭگەرى قوماقتى مولشەردە پارا بەرگەنى ءۇشىن سوتتالدى، وعان جيىرما ەسەلەنگەن مولشەردە ايىپپۇل سالىندى. ايىپپۇل سوماسى 184,5 ميلليون تەڭگەنى قۇرادى.

ول پروكۋراتۋرا قىزمەتكەرىنە كازينونىڭ قارجىلىق قىزمەتىنە تەكسەرۋ ناتيجەلەرى بويىنشا وڭ شەشىم شىعارعانى ءۇشىن 20 مىڭ ا ق ش دوللارى كولەمىندە پارا بەرۋدە كىنالى دەپ تانىلدى.

سوتتالعان تۇلعا مەملەكەتتىك قىزمەتتە، جەرگىلىكتى ءوزىن- ءوزى باسقارۋ ورگاندارىندا، قارجى ۇيىمدارىندا جانە كۆازيمەملەكەتتىك سەكتوردا قىزمەت اتقارۋ قۇقىعىنان ايىرىلدى.

ۇكىم زاڭدى كۇشىنە ەنگەن جوق»، - دەلىنگەن مالىمەتتە.